បរទេស៖ លោក Nuno Espirito Santo នឹងចាកចេញពីក្រុម Wolves នៅចុងបញ្ចប់នៃរដូវកាលនេះលើកលក្ខណ្ឌយល់ព្រមស្រុះស្រួលគ្នារវាងសាមីខ្លួននិងម្ចាស់ក្លឹប ។គ្រូបង្វឹកសញ្ជាតិពព័រទុយហ្កាល់វ័យ៤៧ ឆ្នាំរូបនេះបានចាកចេញពីក្លឹប Porto ដើម្បីមកដឹកនាំក្លឹបនៅឆ្នាំ ២០១៧ និងបានជួយពួកគេឈ្នះពានរង្វាន់លីកលំដាប់ទី២(Championship)នៅក្នុង រដូវកាលដំបូងរបស់ពួកគេផងដែរ ។
បន្ទាប់មក Wolves បានបញ្ចប់ក្នុងចំណាត់ថ្នាក់លេខ ៧ នៅក្របខណ្ឌ Premier League ក្នុងរយៈពេល ២ រដូវកាលជាប់គ្នាស្របពេលដែលរូបលោកទើបបន្តកិច្ចសន្យាថ្មីកាលពីខែកញ្ញា Nuno បានបន្តកុងត្រាជាមួយក្លឹបរហូតដល់២០២៣ ។ គិតត្រឹមសប្តាហ៏ទី៣៧នេះ ក្រុមកំពុងឈរនៅចំណាត់ថ្នាក់ទី ១២ មុនការប្រកួតចុងក្រោយនៃរដូវកាលនេះពេលជួបទទួល ភ្ញៀវ Man. United នៅថ្ងៃអាទិត្យនេះ។
លោកNuno បញ្ជាក់ថា៖ «ចាប់តាំងពីថ្ងៃដំបូងដែលបានមកដល់ទីលានហ្វឹកហាត់ គឺមហិច្ឆតារបស់យើងដើម្បីធ្វើការផ្លាស់ប្តូរជាវិជ្ជមាននិងជំរុញក្លិបបាល់ទាត់មួយនេះធ្វើដំនើរឆ្ពោះទៅមុខ។យើងបានសំរេចគោលដៅនិង ធ្វើវាដោយចំណង់ចំណូលចិត្ត យើងសប្បាយចិត្តធ្វើជាមួយគ្នា»៕
ប្រភពព័ត៍មាន៖ BBC
