បរទេស៖ ខ្សែការពារកណ្តាលដ៏មានបទពិសោធន៍ Thiago Silva បានយល់ព្រមបន្តកុងត្រាថ្មីរហូតដល់ខែមិថុនាឆ្នាំ ២០២២ ជាមួយតោខៀវ Chelsea យោងតាមការអះអាងរបស់អ្នកសារពត៌មានអ៊ីតាលីដ៏ល្បីឈ្មោះលោក Fabrizio Romano បានលើកឡើង។
កីឡាករអន្តរជាតិប្រេស៊ីលវ័យ ៣៦ ឆ្នាំរូបនេះបានចុះកុងត្រារយៈពេល ១ ឆ្នាំជាមួយChelsea ក្រោយបង្ហាញខ្លួន ៣១៥ លើកហើយផ្ទេរពីPSGដោយគ្មានតម្លៃខ្លួនមកកាន់ទឹកដីStamford Bridge កាលពីរដូវក្តៅឆ្នាំមុន។Silva បានដើរតួនាទីដ៏សំខាន់សម្រាប់អង់គ្លេសដោយបង្ហាញខ្លួនបានសរុប ៣៤លើក គ្រប់ក្របខណ្ឌប្រកួតទាំងអស់។
ទោះយ៉ាងណាកំលុងពេលប្រកួតវគ្គផ្តាច់ព្រ័ត្រនៃក្របខ័ណ្ឌ Champions League កាលពីថ្ងៃសៅរ៍Silva ត្រូវបានប្តូរចេញនៅតង់ទី ១ ដោយសារបញ្ហារបួស។លោកRomano បានអះអាងបន្ថែមថាការពន្យាពេលមុនឈានដល់ការបន្តកុងត្រាថ្មីមិនស្ថិតក្នុងភាពស្រពេចស្រពិលទៀត ខណៈភាគីទាំងពីរបានឈានដល់កិច្ចព្រមព្រៀងគ្នារួចរាល់មុនពេលគ្រូបង្វឹកសញ្ជាតិអាឡឺម៉ង់Thomas Tuchel នឹងប្រកាសពីកិច្ចព្រមព្រៀងថ្មីក្នុងពេលឆាប់ៗនេះ៕
ប្រភពព័ត៍មាន៖ Sportsmole
