បរទេស៖ Chelsea បានបន្តកុងត្រាដល់ Thiago Silva រយៈពេលមួយឆ្នាំទៀតមានន័យថាខ្សែការពារកណ្តាលរូបនេះមានសុពលភាពលេងនៅទឹកដី Stamford Bridge រហូតដល់បញ្ចប់រដូវកាល២០២២-២០២៣ ។
រដូវកាលនេះកីឡាករអន្តរជាតិប្រេស៊ីលវ័យ ៣៧ ឆ្នាំបង្ហាញខ្លួនចូលលេងបាន២២ ប្រកួតសម្រាប់ក្រុមលោកThomas Tuchel នៅរដូវកាលនេះ ។Silva បានដើរតួនាទីសំខាន់ជាបេះដូងសម្រាប់តំបន់ការពារ និង បានជួយអោយ Chelsea ផ្តួលគូប្រជែង Man. City ដើម្បីឈ្នះពានក្របខណ្ឌទ្វីបអឺរ៉ុប Champions League ជាលើកទីពីរក្នុងប្រវត្តិសាស្រ្តកាលពីខែឧសភា ឆ្នាំ ២០២១ កន្លងទៅ។
Silva រកបាន៤គ្រាប់បាល់ហើយក្រោយផ្ទេរមកកាន់ក្លឹបមានមូលដ្ឋាននៅទីក្រុងឡុងដ៍ដោយគ្មានតម្លៃខ្លួនពី PSG ក្នុងខែសីហា ឆ្នាំ ២០២០។Silva បានប្រាប់គេហទំព័រផ្លូវការរបស់ Chelsea ថា:ការបន្តលេង១រដូវកាលទៀតអោយក្លឹបគឺជារឿងដែលរីករាយបំផុត ។ខ្ញុំមិនដែលគិតថាខ្ញុំនឹងលេងរយៈពេល ៣ ឆ្នាំជាមួយក្លឹបដ៏អស្ចារ្យនេះទេ ។ដូច្នេះខ្ញុំនឹងផ្តល់អ្វីគ្រប់យ៉ាងដើម្បីបន្តលេងសម្រាប់លីកដ៏សំខាន់បំផុតក្នុងពិភពលោកមួយនេះ។ Silva ក៏មានកំនត់ត្រាជាច្រើនសម្រាប់ក្រុមសាំបាប្រេស៊ីល ក្រោយបង្ហាញខ្លួនបាន១០០ប្រកួតហើយសម្រាប់ក្រុមលោក Tite គិតត្រឹមខែតុលា ២០២១កន្លងទៅ៕
ប្រភពព័ត៍មាន៖ BBC