បរទេស៖ Paris Saint-Germain កំពុងពិចារណាលើលទ្ធភាពចរចារនាំយកលោក Zinedine Zidane ដើម្បីមកដឹកនាំពួកគេជំនួសលោក Mauricio Pochettino យោងគេហទំព័របារាំងLe 1០ Sport បានចុះផ្សាយ។ទោះបីជាចូលមកកាន់តំណែងនៅទឹកដី Parc des Princes ក្នុងខែមករាដើមឆ្នាំ២០២១នេះប៉ុន្តែអ្នកចាត់ការសញ្ជាតិអាហ្សង់ទីនលោក Pochettino នៅតែត្រូវបណ្តាញសារពត៌មានចុះផ្សាយពីលទ្ធភាពនៃការចាកចេញចាកចេញពីក្លិបយក្សដែលមានមូលដ្ឋានរាជធានីប្រទេសបារាំងមួយនេះបន្ទាប់ពីបរាជ័យក្នុងការប្រជែងតំណែងជើងឯក Champions League និងការពារពានលីកកំពូលបារាំងLigue ១ កាលពីរដូវកាលចាស់ ។
ក្នុងនោះដែរអតីតក្លិប Tottenham Hotspur បានក្លាយជាគោលដៅក្នុងការនាំយកលោកPochettino វិលត្រលប់ទៅអង់គ្លេសវិញ។ ការស្វែងរកអ្នកចាត់ការទូទៅថ្មីសម្រាប់ប្រធានក្លឹបលោក Daniel Levy នៅតែបន្ត ក្រោយពីការចរចារជាមួយអតីតគ្រូបង្វឹកInterMilan លោក Antonio Conte មិនអាចឈានទៅដល់គោលដៅខណៈTottenham ខ្លួនឯងត្រៀម តែងតាំងលោក Fabio Paratici ជានាយកប្រតិបត្តិកីឡាថ្មីរបស់ពួកគេ។
គួរបញ្ជាក់ថាគ្រូបង្វឹកសញ្ជាតិ បារាំងលោកZinedine Zidane បានលាលែងពីតំណែងក្លឹបជាលើកទី២ក្រោយបញ្ចប់រដូវកាល ចាស់មិនបានឈ្នះពានអ្វីសោះ ស្របពេលរូបលោកបានព្រលយ ពាក្យថាចង់វិលត្រលប់មកដឹកនាំក្លឹបវិញសាជាថ្មីកាន់តែឆាប់កាន់តែល្អ៕
ប្រភពព័ត៍មាន៖ Sportsmole
