បរទេស៖ ក្រុមបិសាចក្រហម Man Utd ថានៅតែបន្តការចាប់អារម្មណ៍និងតាមដានយ៉ាងខ្លាំងទៅលើកីឡាករ Ruben Neves របស់ក្រុម Wolverhampton យោងគេហទំព័រ 90min បានចុះផ្សាយ។កីឡាករវ័យ ២៤ ឆ្នាំរូបនេះបច្ចុប្បន្នកំពុងមានកាតព្វកិច្ចជាមួយក្រុមជម្រើសជាតិព័រទុយហ្កាល់សម្រាប់ព្រឹត្តការណ៏ប្រកួត យូរ៉ូ ២០២០ ធ្លាប់ បង្ហាញខ្លួនបាន៤០ដងគ្រប់ក្របខណ្ឌប្រកួតនិងងបានដើរតួនាទីយ៉ាងសំខាន់សម្រាប់រដូវកាល ២០២០-២០២១ កន្លងទៅ។
មានការលើកឡើងថាក្លឹបនិងអាចលក់Nevesចេញដើម្បីដោះស្រាយបញ្ហាហិរញ្ញវត្តុរបស់ក្លឹបឡើងវិញ ដូច្នេះចង់មិនចង់ Wolvesនិងអាចដាក់លក់រូបគេនៅមុនរដូវកាលថ្មីចាប់ផ្តើម ហើយក្នុងនោះគឺក្លឹបជើងឯកអង់គ្លេស២០សម័យ បាននាំមុខគេក្នុងការចរចារនាំយកNevesមកកាន់ទឹកដី Old Trafford ។
ប្រភពខាងលើបន្តថាៈខ្សែបម្រើ-ប្រយុទ្ធស្លាបBruno Fernandes ក៏បានណែនាំដល់គណៈគ្រប់គ្រងក្លឹបក្នុងការបញ្ចុះបញ្ចូលនាំយកមិត្តរួមជាតិរូបនេះក្នុងតម្លៃខ្លួនប្រមាណ ៣៥ លានផោនផងដែរ។ Neves ក៏មានទំនាក់ទំនងចង់បានពីសំណាក់ក្លឹប Arsenal ក្រោយស៊ុតបញ្ចូលទីបាន ២០ ដងនិងបង្កើតឪកាសបញ្ចប់ទី ១០ ដងក្រោយបង្ហាញខ្លួនចំនួន ១៧៦ ប្រកួតក្រោយផ្ទេរមកកាន់កីឡាដ្ឋាន Molineux ពីក្លឹប Porto កាលពីឆ្នាំ២០១៧៕
ប្រភពព័ត៍មាន៖ Sportsmole
