បរទេស៖ ខ្សែការពារ Sergio Ramos បានប្រាប់អតីតមិត្តរួមក្រុម Real Madrid ជិតស្និទចំនួន៣នាក់ថារូបគេនឹងផ្លាស់ទៅចូលរួមជាមួយក្លឹប Paris Saint-Germain នៅរដូវកាលថ្មីខាងមុខនេះ។ អតីតប្រធានក្រុមអធិរាស Real Madrid វ័យ៣៥ឆ្នាំរូបនេះបានសម្រេចចិត្តចាកចេញពីក្លឹបជើងឯក Champion League ១៣សម័យមួយនេះ ក្រោយពីបរាជ័យក្នុងការបន្តកិច្ចសន្យាថ្មី។
ដូច្នេះមានន័យថា Ramos និងត្រូវចាកចេញពីទឹកដី Santiago Bernabeu ដែលមានមូលដ្ឋាននៅរដ្ឋធានីអេស្ប៉ាញមួយនេះដោយគ្មានតម្លៃខ្លួននៅពេលសុពលភាពកិច្ចសន្យារបស់ខ្លួនឈានដល់ទីបញ្ចប់នៅចុងខែមិថុនានេះ។ ក្រោយទទួលបានជោគជ័យក្នុងអាជីពរយៈពេល ១៦ ឆ្នាំ ខណៈដែលរូបគេមិនបានជាប់ឈ្មោះសម្រាប់ក្រុមជម្រើសជាតិអេស្ប៉ាញក្នុងព្រឹត្តការណ៍ Euro ២០២០ ដែលកំពុងដំណើរការបានជាង១០ថ្ងៃមកហើយនេះ។
មានក្លឹបយក្សធំៗនៅលីកកំពូលអឺរ៉ុបចំនួន៣ផ្សេងគ្នាគឺ Man Utd, AC Milan, Chelsea និង PSG សុទ្ធសឹងតែមានទំនាក់ទំនងយ៉ាងខ្លាំងជាមួយនឹងកីឡាករវ័យ ៣៥ ឆ្នាំរូបនេះ។ ប្រភពខាងលើបន្តថា Ramos បានព្រមព្រៀងទទួលយកសំណើរពីសំណាក់ក្លឹប PSG រួចរាល់ហើយ និងបានបដិសេធសំណើរពីសំណាក់ក្លឹបយក្សអង់គ្លេស២គឺ Man Utd និង Chelsea ផងដែរ៕
ប្រភពព័ត៍មាន៖ Metro