បរទេស៖ កីឡាករនៃក្រុមបាល់ទាត់ជម្រើសជាតិអង់គ្លេស ត្រូវបានចាត់ទុកជាវីរបុរស កាលពីថ្ងៃចន្ទ ស្របពេលដែលការអបអរនានា ត្រូវបានប្ររព្ធឡើងរយៈពេល១ថ្ងៃពេញ ស្របពេលដែលក្រុមកីឡាករបានជិះរថយន្តក្រុងដែលគ្មានដំបូល ដង្ហែរពានទូទាំងទីក្រុងរ៉ូម ក្រោយពីបានផ្តួលក្រុមបាល់ទាត់ជម្រើសជាតិអង់គ្លេស ដោយការស៊ុតបាល់ប៉េណាល់ទី ដើម្បីលើកពាន Euro ឆ្នាំ២០២០ នាកីឡដ្ឋាន Wembley។
ទាំងនាយករដ្ឋមន្ត្រីអ៊ីតាលី និងប្រធានាធិបតី បានរៀបចំពិធីអបអរនានាសម្រាប់ក្រុមជម្រើសជាតិអ៊ីតាលី នៅមុនពេលក្រុមនេះ បានឡើងរថយន្តក្រុង និងដង្ហែរពាន ឆ្លងកាត់អ្នកគាំទ្រជាច្រើន ដែលកំពុងតែគ្រវីទង់ជាតិអ៊ីតាលី។ ការអបអរនេះ បានកើតឡើង ក្រោយពីការប្រកួតបានរយៈពេល២៤ម៉ោង ខណៈដែលអ៊ីតាលី មិនបានជួបការចាប់ផ្តើមក្នុងការប្រកួតបានយ៉ាងល្អឡើយនាកីឡដ្ឋាន Wembley កាលពីថ្ងៃអាទិត្យ ដែលនៅពេលនោះ អ៊ីតាលី ត្រូវតែវាយបកតាមពីក្រោយគ្រាប់បាល់ដែលស៊ុតបញ្ចូលទីលឿនជាងគេបំផុតក្នុង Euro តាមរយៈស្មើវិញ ហើយបន្ទាប់មក ទទួលជ័យជម្នះដោយការស៊ុតបាល់ប៉េណាល់ទីក្នុងលទ្ធផល ៣-២។
នេះគឺជាលើកទី២ហើយដែលអ៊ីតាលី បានលើកពាន Euro ហើយជ័យជម្នះរបស់ពួកគេ បង្ហាញពីផ្លាស់ប្តូរជោគវាសនាទាំងស្រុង ក្រោមការដឹកនាំរបស់លោក Mancini ក្រោយពីក្រុមនេះ មិនបានសូម្បីតែឈ្នះសិទ្ធិទៅប្រកួតក្នុង World Cup ឆ្នាំ២០១៨ នៅរុស្ស៊ី។ ខ្សែការពារ Leonardo Bonucci បានឲ្យដឹងថា៖ «នេះគឺជាការចាប់ផ្តើមជាថ្មីសម្រាប់កីឡាបាល់ទាត់អ៊ីតាលី»៕
Italy players being greeted by the fans as they arrive back home 🏆 🇮🇹 pic.twitter.com/t6yiNTQWkP
— Football Daily (@footballdaily) July 12, 2021
ប្រភពព័ត៌មាន៖ Channel News Asia