បរទេស៖ Andrea កូនប្រុសរបស់គ្រូបង្វឹកក្រុមជម្រើសជាតិអ៊ីតាលីលោក Roberto Mancini គឺជាអ្នកគាំទ្រម្នាក់ក្នុងចំណោមអ្នកគាំទ្រជាច្រើនទៀតដែលត្រូវប្រឈមគ្មានកៅអីអង្គុយទស្សនាការប្រកួតបាល់ទាត់នៅកីឡាដ្ឋាន Wembley ដោយសារតែអ្នកគាំទ្រអង់គ្លេសដទៃទៀតដែលគ្មានសំបុត្រកាន់កាប់កៅអីជាច្រើនរាប់រយនាក់បានសម្រុកចូលកីឡដ្ឋានសម្រាប់ការប្រកួតផ្តាច់ព្រ័ត្រ Euro ២០២០កន្លងទៅនេះ។
កូនបុរសអតីតគ្រូបង្វឹក Man.City លោក Andrea Mancini បានប្រាប់ទូរទស្សន៍ Sky Sport Italia បន្ទាប់ពីបញ្ចប់ការប្រកួតថាៈវាមានភាពច្របូកច្របល់ជាមួយអ្នកគាំទ្រដែលគ្មានសំបុត្រហើយកៅអីរបស់ខ្ញុំត្រូវបានគេអង្គុយជំនួស ដូច្នេះខ្ញុំត្រូវមើលការប្រកួតតង់ទី១ ដោយអង្គុយនៅជណ្តើរកីឡដ្ឋាន។ វាគឺជាព្រឹត្តការណ៏ដ៏ គួរឱ្យភ្ញាក់ផ្អើលកាលពីថ្ងៃអាទិត្យបន្ទាប់ពី អ្នកគាំទ្រជាច្រើនដែលមិនមានសំបុត្រហើយបាន បង្ខំឱ្យពួកគេចូលទៅកាន់កីឡាដ្ឋាន តាមរយៈច្រកអាទិភាពជនពិការដោយគ្មានអាជ្ញាធរណាមួយអាចរារាំងទង្វើអនាធិបតេយ្យបែបនេះបាននោះទេ។
អ្នកគាំទ្រមួយចំនួនបានរិះគន់ថាកន្លែងអង្គុយរបស់ពួកគេត្រូវបានកាន់កាប់ដោយជនអនាមិកដោយគ្មានរបៀបរបបនិង ផ្លាស់ប្តូរទីកន្លែងដោយមិនមានមូលហេតុដែលនាំអោយពួកគេមានការ ខឹងសម្បារហើយបញ្ហាទាំងនោះក៏បានកើតមានឡើងក្នុងចំណោមសមាជិកគ្រួសារកីឡាករ និងគ្រូបង្វឹកដែលចូលរួមក្នុងការប្រកួតនេះផងដែរ៕
ប្រភពព័ត៍មាន៖ Metro