បរទេស៖ ក្លឹប Atletico Madrid និង Barcelona កំពុងបង្កើនការពិភាក្សាគ្នាលើកិច្ចព្រមព្រៀងដោះដូរកីឡាករ Saul Niguez និង Antoine Griezmann យោងតាមអ្នកកាសែតអ៊ីតាលីដ៏ល្បីល្បាញលោក Fabrizio Romano បានលើកឡើង ។
គួរកត់សម្គាល់ថាការរំពឹងទុកជុំវិញអនាគតរបស់ខ្សែប្រយុទ្ធអន្តរជាតិបារាំង Griezmann នៅទឹកដី Camp Nou បានកើតមានឡើងនៅរយៈពេលប៉ុន្មានថ្ងៃចុងក្រោយថ្មីៗនេះ បន្ទាប់ពី Barcelona កំពុងរងសម្ពាធក្នុងការកាត់បន្ថយថវិកាប្រាក់ឈ្នួលកីឡាករមួយចំនួនដើម្បីដោះស្រាយបញ្ហាហិរញ្ញវត្ថុរបស់ពួកគេ។ ទន្ទឹមនឹងនេះដែរខ្សែបម្រើអន្តរជាតិអេស្បាញSaulដែលបាត់បង់ឪកាសចូលលេងជម្រើស១១នាក់ដំបូងនៅទឹកដី Wanda Metropolitano ក្រោមការដឹកនាំ ក្រោមការដឹកនាំរបស់លោក Diego Simeoneទោះបីជាពួកគេបានឈ្នះជើងឯកកាលពីរដូវកាលមុន ។
Saulក៏មិនបានជាប់ឈ្មោះបង្ហាញខ្លួននៅព្រឹត្តការណ៏ Euro២០២០ ក្រោមការដឹកនាំរបស់លោក Luis Enrique បាននិងកំពុងសម្លឹងឪកាសចាកចេញពីក្លឹប។ ប្រភពខាងលើបន្តថា បច្ចុប្បន្ននេះភាគីទាំងពីរកំពុងចរចាគ្នាអំពីតម្លៃចុងក្រោយព្រោះ Barcelona ចង់ ឲ្យ At.Madrid ដាក់ បន្ថែមទឹកប្រាក់បូករួមជាមួយSaulក្នុងកិច្ចព្រមព្រៀងដោះដូរជាមួយអតីតខ្សែប្រយុទ្ធរបស់ខ្លួនរូបនេះ។ក្នុងនោះដែរLiverpool និងChelsea បាននិងកំពុងតាមដានយ៉ាងដិតដល់ទៅលើស្ថានការណ៍របស់ខ្សែប្រយុទ្ថបារាំងវ័យ ២៦ ឆ្នាំរូបនេះផងដែរ។ Griezmann ធ្លាប់ បង្ហាញខ្លួនអោយ At.Madrid នៅចន្លោះឆ្នាំ ២០១៤ និង ២០១៩ ដោយរកបាន ១៣៣ គ្រាប់និងបង្កើតឪកសបញ្ចប់ទី(Assist) ៥០ ដងក្នុង ២៥៧ ប្រកួត មុនពេលចាកចេញទៅក្លឹបយក្សកាតាឡាន់នៅឆ្នាំ ២០១៩៕
ប្រភពព័ត៍មាន៖ Sportsmole