បរទេស៖ យុទ្ធនាការកីឡាបាល់ទាត់យុវជនអូឡាំពិករបស់ក្រុមជម្រើសជាតិបារាំង បានជួយការខកចិត្តនៅថ្ងៃបើកឆាក នៅពេលដែលពួកគេបានរងបរាជ័យយ៉ាងចាស់ក្នុងលទ្ធផល ៤-១ ក្រោមស្នាដៃក្រុមជម្រើសជាតិម៉ិកស៊ិក ស្របពេលដែលអាហ្សង់ទីន បានរងបរាជ័យក្នុងលទ្ធផល ២-០ ក្រោមស្នាដៃក្រុមជម្រើសជាតិអូស្ត្រាលី ខណៈដែលការប្រកួតវគ្គចែកពូលបានចាប់ផ្តើមកាលពីថ្ងៃព្រហស្បតិ៍។
ខ្សែប្រយុទ្ធអន្តរជាតិអាហ្សង់ទីន Richarlison បានស៊ុតបាល់បញ្ចូលទី៣គ្រាប់ នៅពេលដែលក្រុមម្ចាស់ការពារជើងឯករបស់គេ បានរារាំងការវាយបកនៅជិតបញ្ចប់ការប្រកួតរបស់អាល្លឺម៉ង់ ដើម្បីទទួលជ័យជម្នះ ៤-២ នាកីឡដ្ឋានអន្តរជាតិ Yokohama។
ក្រុមម្ចាស់ផ្ទះជប៉ុន បានចាប់ផ្តើមយ៉ាងល្អនៅថ្ងៃដដែលនោះ ខណៈដែលគ្រាប់បាល់ស៊ុតបញ្ចូលទីពីសំណាក់ខ្សែបម្រើ Takefusa Kubo បានជួយឲ្យពួកគេយកឈ្នះ ១-០ លើក្រុមជម្រើសជាតិអាហ្វ្រិកខាងត្បូង ដែលត្រូវតែធ្វើការដោះស្រាយនឹងករណីកូវីដ ១៩ នៅមុនពេលការប្រកួតវគ្គចែកពូល១ថ្ងៃ។
បារាំង ដែលកំពុងតែសម្លឹងរកការឈ្នះមេដាយអូឡាំពិកជាលើកដំបូង បើគិតចាប់តាំងពីឈ្នះមេដាយមាសក្នុងឆ្នាំ១៩៨៤នោះ បច្ចុប្បន្ន នឹងត្រូវជួបការងារដ៏លំបាកក្នុងការទៅវគ្គបន្តពូល A នៅមុនពេលការប្រកួតជាមួយនឹងអាហ្វ្រិកខាងត្បូង និងម្ចាស់ផ្ទះជប៉ុន។ លោក Sylvain Ripoll គ្រូបង្វឹកនៃក្រុមជម្រើសជាតិបារាំង បានឲ្យដឹងថា៖ «រឿងដំបូងដែលយើងត្រូវតែធ្វើនៅពេលនេះ គឺការទទួលយកការខកចិត្តនេះ។ យើងមានរយៈពេលតែ២ថ្ងៃទៀតប៉ុណ្ណោះ។ យើងមិនមានពេលដែលត្រូវខ្ជះខ្ជាយឡើយ»៕
ប្រភពព័ត៌មាន៖ Channel News Asia