បរទេស៖ ក្រុមបាល់ទាត់យុវជនប្រេស៊ីល បានឈ្នះមេដាយមាសអូឡាំពិកលើវិញ្ញសាកីឡាបាល់ទាត់ជាលើកទី២ជាប់ៗគ្នារបស់ពួកគេ ខណៈដែលកីឡាករបម្រុង Malcom បានរកគ្រាប់បាល់ឈ្នះ ដើម្បីជួយឲ្យក្រុមខ្លួនដណ្តើមបានជ័យជម្នះក្នុងលទ្ធផល ២-១ លើក្រុមជម្រើសជាតិអេស្ប៉ាញ នៅនាទីបន្ថែម១៥នាទី២ដង។
ខ្សែប្រយុទ្ធ Matheus Cunha បានដណ្តើមយកប្រៀបទៅលើការធ្វេសប្រហែសក្នុងតំបន់ការពារ ដើម្បីរកគ្រាប់បាល់បំប៉ោងសំណាញ់ទីនៅជិតបញ្ចប់ការប្រកួតតង់ទី១ ក្នុងការប្រកួតវគ្គពាក់ផ្តាច់ព្រ័ត្រកាលពីថ្ងៃសៅរ៍ ក្រោយពីកីឡាករ Richarlison បានស៊ុតបាល់ប៉េណាល់ទីមិនចូលទីសម្រាប់ក្រុមជម្រើសជាតិអេស្ប៉ាញ។ ក្រុមបាល់ទាត់ជម្រើសជាតិអេស្ប៉ាញ បានរកគ្រាប់បាល់តាមស្មើវិញនៅនាទី ទី៦០ នៅពេលដែលកីឡាករ Mikel Oyarzabal បានស៊ុតបាល់បញ្ចូលទីយ៉ាងល្អ ប៉ុន្តែ Malcom អតីតខ្សែប្រយុទ្ធរបស់ក្លិប Barcelona បានជួយឲ្យក្រុមប្រេស៊ីល ឈ្នះមេដាយមាស នៅនាទី ទី១០៨។
ប្រេស៊ីលដែលបានឈ្នះមេដាយមាសលើទឹកដីខ្លួនឯងក្នុងព្រឹត្តិការណ៍អូឡាំពិកទីក្រុង Rio ឆ្នាំ២០១៦នោះ បានក្លាយជាក្រុមប្រទេសទី៥ ដែលបានការពារមេដាយមាសអូឡាំពិករបស់ខ្លួនយ៉ាងជោគជ័យ នៅរាត្រីដ៏រីករាយក្នុងទីក្រុង Yokohama ដែលជាកន្លែងពួកគេបានលើកពាន World Cup ជាលើកទី៥ និងជាលើកចុងក្រោយរបស់ពួកគេ ក្នុងឆ្នាំ២០០២៕
ប្រភពព័ត៌មាន៖ Channel News Asia