គិតត្រឹមថ្ងៃទី២៨ ខែកក្កដា ម្ចាស់ផ្ទះជប៉ុន នៅតែបន្តបង្ហាញពីភាពខ្លាំងក្នុងព្រឹត្តិការណ៍អូឡាំពិក ឆ្នាំ២០២១ តាមរយៈការឈ្នះមេដាយមាសបន្ថែមទៀតនៅថ្ងៃទី៤នេះ ដើម្បីក្លាយជាប្រទេសដំបូងគេដែលបានឈ្នះមេដាយមាសចំនួន១០។ កីឡាករ Takanori Nagase បានឈ្នះមេដាយមាសទី៥សម្រាប់ជប៉ុន ក្នុងវិញ្ញាសាយូដូ ស្របពេលដែលប្រទេសម្ចាស់ផ្ទះមួយនេះ ក៏បានឈ្នះមេដាយមាសក្នុងវិញ្ញាសាកីឡា softball ផងដែរ។ ស្របពេលជាមួយគ្នានេះ ហ្វីលីពីន បានឈ្នះមេដាយមាសជាលើកដំបូងរបស់ខ្លួនក្នុងប្រវត្តិសាស្ត្ររបស់ខ្លួន ខណៈដែលស្វ៊ីស មានកីឡាការិនីដល់ទៅ៣នាក់បានស្ថិតក្នុងចំណាត់ថ្នាក់កំពូលទាំង៣ ក្នុងការប្រកួតកីឡាជិះកង់ឡើងភ្នំ។ បច្ចុប្បន្ន មានប្រទេសចំនួន៣០ហើយដែលបានឈះមេដាយមាសយ៉ាងហោចណាស់ចំនួន១ ក្នុងព្រឹត្តិការណ៍កីឡាអូឡាំពិកមកទល់ពេលនេះ។ ជាមួយគ្នានេះ ជើងខ្លាំងអាមេរិក និងចិន កំពុងតែដេញតាមពីក្រោយយ៉ាងប្រកៀក តាមរយៈការឈ្នះមេដាយមាសចំនួន៩ដូចគ្នា។
តារាមេដាយមាសពីព្រឹត្តិការណ៍អូឡាំពិក ទីក្រុងតូក្យូ ឆ្នាំ២០២១
- Japan: 10 gold, 3 silver, 5 bronze, 18 total
- USA: 9 gold, 7 silver, 8 bronze, 24 total
- China: 9 gold, 5 silver, 7 bronze, 21 total
- ROC: 7 gold, 7 silver, 4 bronze, 18 total
- Great Britain: 4 gold, 5 silver, 4 bronze, 13 total
- South Korea: 3 gold, 2 silver, 5 bronze, 10 total
- Australia: 3 gold, 1 silver, 5 bronze, 9 total
- Canada: 2 gold, 3 silver, 3 bronze, 8 total
- France: 2 gold, 2 silver, 3 bronze, 7 total
- Kosovo: 2 gold, 0 silver, 0 bronze, 2 total
ប្រភពព័ត៌មាន៖ olympics.com