បរទេស៖ ជាថ្មីម្តងទៀត Thomas Partey បានជួបប្រទះបញ្ហារបួសកជើងអំឡុងតង់ទី១នៃការប្រកួតមិត្តភាពកំដៅសាច់ដុំមុនបើករដូវកាលរបស់ក្រុមកាំភ្លើងធំ Arsenal ទល់នឹងតោខៀវ Chelsea កាលពីថ្ងៃអាទិត្យ។
ខ្សែបម្រើវ័យ ២៨ ឆ្នាំសញ្ជាតិហ្គាណារូបនេះត្រូវបានប្តូរចេញភ្លាមៗមុនពាក់កណ្តាល៤៥នាទីដំបូងក្រោយប្រជែងគ្នាជាមួយខ្សែបម្រើ Ruben Loftus-Cheek របស់ Chelsea។
Partey ត្រូវបានជំនួសដោយ Granit Xhaka ដែលចង់ចាកចេញពី Arsenal និងចូលរួមជាមួយ AS Roma មុនពេលបញ្ចប់រដូវកាលដោះដូរកីឡាកររដូវក្តៅនេះ ប៉ុន្តែអ្នកចាត់ការទូទៅសញ្ជាតិអេស្បាញលោក Arteta ទើបតែបញ្ជាក់ថាកីឡាករអន្តរជាតិស្វីសរូបនេះនិងមិនចានចេញពីកីឡដ្ឋាន Emirate នៅរដូវក្តៅនេះឡើយ៕
ប្រភពព័ត៍មាន៖ Metro