បរទេស៖ Barcelona និងមិនមានចេតនាដាក់អាវលេខ ១០របស់វីរបុរសបុរសពួកគេគឺ Lionel Messi អោយចូលនិវត្តន៏ជារៀងរហូតនោះទេ បន្ទាប់ពីការចាកចេញរបស់ប្រធានក្រុមវ័យ ៣៤ ឆ្នាំរូបបានផ្លាស់ទៅរួមជាមួយក្រុម Paris Saint-Germain នៅយប់ថ្ងៃអង្គារនេះដោយចុះហត្ថលេខាលើកិច្ចសន្យារយៈពេល ២ ឆ្នាំ ជាមួយនឹងជម្រើសក្នុងការបន្តកុងត្រាថ្មីរយៈពេលមួយឆ្នាំបន្ថែមទៀត។
ប្រភពពីគេហទំព័រ Daily Mail បានចុះផ្សាយថា ក្រុមបាល់ទាត់ទាំងអស់នៅលីកកំពូលអេស្បាញ La Liga និងត្រូវធ្វើតាមការណែនាំរបស់ ស្ថាប័នបាល់ទាត់អេស្បាញដោយត្រូវបែងចែកលេខអាវសម្រាប់សមាជិកនីមួយៗក្នុងក្រុមរបស់ពួកគេពីលេខមួយដល់លេខ ២៥ មុនពេលយុទ្ធនាការលីកកំពូលចាប់ផ្តើម។ មានន័យថា កីឡាករបម្រុងគឺត្រូវពាក់អាវចាប់ពីលេខ ២៦ ដល់ ៥០ ។ទោះយ៉ាងណាប្រសិនBarca សម្រេចចិត្តដាក់អោយអាវលេខ ១០ របស់ Messi ចូលនិវត្តន៍នោះពួកគេនឹងលះបង់នៅកន្លែងដំបូងនៅក្នុងក្រុមរបស់ពួកគេ។ ទោះយ៉ាងណាវាក៏មិនមែនជាលើកទីមួយទេដែលក្លឹបអេស្ប៉ាញនឹងដកលេខអាវដ៏សំខាន់សម្រាប់កីឡាកររបស់ពួកគេចេញព្រោះថាកន្លងមកក្លឹបEspanayolគឺធ្លាប់បានលះបង់អាវលេខ ២១ ក្រោយការស្លាប់របស់ខ្សែការពារDaniel Jarque នៅ ក្នុងឆ្នាំ ២០០៩ កន្លងទៅ។
សម្រាប់Messi ធ្លាប់បានពាក់អាវ លេខ ៣០ និងលេខ ១៩ មុនពេលទទួលបានលេខ ១០ ដ៏ល្បីល្បាញសម្រាប់យុទ្ធនាការដំបូងនៅរដូវកាល ២០០៨-២០០៩ ក្រោយការចាកចេញរបស់ Ronaldinho ទៅទៅកាន់ក្លឹបយក្សអ៊ីតាលី AC Milan៕
ប្រភពព័ត៍មាន៖ Sportsmole