បរទេស៖ ក្លឹប Barcelona ខិតកាន់តែកៀកដល់ការព្រមព្រៀងចុះហត្ថលេខាខ្សែការពារ Andreas Christensen របស់ Chelsa និង Franck Kessie ពី AC Milan នៅពេលឆាប់ៗខាងមុខនេះហើយ។ ទោះបីជាបញ្ហាហិរញ្ញវត្ថុ ប៉ុន្តែយក្សកាតាឡាន់នៅតែ សម្លឹងរកកីឡាករឆ្នើមៗមកកែទម្រង់លេងរបស់ក្រុមអោយបានល្អប្រសើរមុនរដូវកាលថ្មីចាប់ផ្តើម។
ខ្សែប្រយុទ្ធឆ្នើម Erling Braut Haaland របស់ក្លឹប Borussia Dortmund ត្រូវបានកំណត់ជាគោលដៅអាទិភាព ព្រមជាមួយការលើកឡើងរបស់មន្ត្រីក្លឹបថាពួកគេចង់ផ្ទេរយកប្រធានក្រុមតោខៀវChelsa គឺខ្សែការពារCesar Azpilicueta ផងដែរ។ ទោះយ៉ាងណាប្រភពពត៌មានពីប្រទេសអេស្ប៉ាញបានលើកឡើងថា Barcelona កំពុងដំណើរការខិតជិតដល់កិច្ចព្រមព្រៀង សម្រាប់ការផ្ទេរយកកីឡាករទំាងពីររូបខាងលើមកកាន់ទឹកដី Camp Nou។
ក្រុមជើងឯកទ្វីបអឺរ៉ុប Chelsea បាន បរាជ័យ ក្នុងការចរចារលើកចុងក្រោយជាមួយការបន្តកុងត្រាថ្មីសម្រាប់កីឡាករអន្តរជាតិ ដាណឺម៉ាក Christensen ខណៈ Milan មិនអាចឈានដល់កិច្ចព្រមព្រៀងលើលក្ខខណ្ឌថ្មី ជាមួយខ្សែបម្រើ Kessie ស្របពេលសាម៉ីខ្លួនសម្លឹងឪកាសចង់បានការប្រកួតប្រជែងថ្មី៕
ប្រភពព័ត៍មាន៖ Sportsmole