បរទេស៖ ខ្សែប្រយុទ្ធ Pierre-Emerick Aubameyang បាននិយាយថា កីឡដ្ឋាន Mestalla របស់ Valencia ធ្វើឲ្យរូបគេមានអារម្មណ៍ថា ដូចជានៅផ្ទះខ្លួនឯងអ៊ីចឹង ក្រោយពីរូបគេបានស៊ុតបាល់បញ្ចូលទី៣គ្រាប់៣គ្រាប់ ក្នុងពេលក្រុម Barcelona បានកត់ត្រាជ័យជម្នះក្នុងលទ្ធផល ៤-១ កាលពីថ្ងៃអាទិត្យ។
រូបគេក៏បានស៊ុតបាល់បញ្ចូលទី៣គ្រាប់ ដើម្បីផ្តួលក្រុម Valencia ក្នុងការប្រកួតជាលើកចុងក្រោយរបស់គេនៅកីឡដ្ឋាន Mestalla កាលពីឆ្នាំ២០១៩ ផងដែរ ដែលនៅពេលនោះក្រុម Arsenal បានយកឈ្នះក្នុងលទ្ធផល ៤-២ ដើម្បីឈានទៅវគ្គផ្តាច់ព្រ័ត្រនៃក្របខ័ណ្ឌ Europa League វគ្គផ្តាច់ព្រ័ត្រ។ Aubameyang ដែលគ្រាប់បាល់ទី៣របស់គេត្រូវបានផ្តល់ទៅឲ្យរូបគេ ក្រោយពីកិច្ចសម្ភាសបន្ទប់ពីការប្រកួតរបស់គេនោះ បានឲ្យដឹងថា៖ «កាលពីមុនខ្ញុំរកបាន៣គ្រាប់ក្នុងវគ្គពាក់កណ្តាផ្តាច់ព្រ័ត្រនៃក្របខ័ណ្ឌ Europa League ជាមួយនឹងក្រុម Arsenal ហើយនៅថ្ងៃនេះ រកបាន២គ្រាប់ទៀត ហេតុនេះ កីឡដ្ឋាន Mestalla គឺហាក់ដូចជាផ្ទះរបស់ខ្ញុំអ៊ីចឹង»។
ខ្សេប្រយុទ្ធអន្តរជាតិហ្គាបុងរូបនេះ បានស៊ុតបាល់បញ្ចូលទីបានស៊ុតបាល់បញ្ចូលទី២គ្រាប់ ក្នុងតង់ទី១ និងត្រូវបានកាត់សេចក្តីឲ្យទទួលបានគ្រាប់បាល់ទី៣ ក្រោយពីការស៊ុតបាល់ពីចម្ងាយរបស់ Pedri បានហោះចូលទី ក្រោយពីប៉ះនឹងខ្នងរបស់គេ។ ជ័យជម្នះនេះ ជួយឲ្យក្រុម Barcelona ឡើងឈរពីលើក្រុម Atletico Madrid ក្នុងចំណាត់ថ្នាក់លេខ៤ នៅលើតារាង La Liga។ ជ័យជម្នះនេះ ក៏ផ្តល់នូវការជឿជាក់ដ៏ធំបំផុតមួយផងដែរ សម្រាប់ Barca នៅមុនពេលការប្រកួតក្របខ័ណ្ឌ Europa League ជើងទី២ ជាមួយនឹងក្រុម Napoli នៅថ្ងៃព្រហស្បតិ៍ ផងដែរ។ ការប្រកួតក្នុងជើងទី១ បានបញ្ចប់ក្នុងលទ្ធផលស្មើ ១-១ នាកីឡដ្ឋាន Camp Nou កាលពីសប្តាហ៍មុន។ Aubameyang បានបន្ថែមទៀតថា៖ «ខ្ញុំពិតជារីករាយណាស់នៅថ្ងៃនេះ ប៉ុន្តែ សរុបមក យើងបានឈ្នះក្នុងការប្រកួតនេះ ហេតុនេះ ខ្ញុំពិតជារីករាយណាស់»៕
ប្រភពព័ត៌មាន៖ Channel News Asia