បរទេស៖ អ្នកចាត់ការទូទៅ Dean Smith លើកឡើងថា Aston Villa និងនៅតែមានទម្រង់លេងរ៉ឹងម៉ាំបន្ថែមទៀតក្រោយពីការលក់ប្រធានក្រុម Jack Grealish ក្នុងតម្លៃ ១០០ លានផោនទៅឱ្យក្រុម Manchester City ។ផ្ទុយទៅវិញក្លឹបបានសម្រេចការចុះហត្ថលេខានាំយកខ្សែបម្រើស្លាប Leon Baileyពីក្លឹបLeverkusen ក្នុងតម្លៃ តិចជាង៣០លានផោន និង ខ្សែប្រយុទ្ធ Danny Ings ពីក្លឹបSouthampton ខ្សែបម្រើ Emi Buendia ពីក្រុមNorwichក្នុងតម្លៃកំនត់ត្រា៣៣លានផោននិងខ្សែការពារ Ashley Young ពីInter Milan ព្រមទាំង Axel Tuanzebe ក្នុងលក្ខណ្ឌខ្ចីជើងពី Man.Utd មករួ មក្រុមជំនួសវិញ។
គ្រូបង្វឹកAston Villa បន្ថែមថាៈយើងនៅតែស្ថិតក្នុងស្ថានភាពល្អប្រសើទោះបីជាការចាកចេញរបស់គាត់(Grealish) ក៏ដោយ។ឥឡូវនេះយើងមានបំរែបំរួលបន្ថែមការសម្របខ្លួននិងមានភាពស៊ីជម្រៅថែមទៀតហើយនោះពិតជាសំខាន់។ ខ្ញុំពិតជាចង់បង្កើតក្រុមដែលល្អជាងនេះចាប់តាំងពីមានអារម្មណ៏ថា Jack ចាកចេញយើងសង្ឃឹមថានិងអាចធ្វើបាន។ មានពេលខ្លះយើងបានពឹងផ្អែកលើគាត់ច្រើនបំផុត។ ដូច្នេះមានតែពេលវេលាទេដែលនឹងប្រាប់ថានោះជារឿងល្អប៉ុន្តែយើងជឿជាក់លើក្រុមដែលយើងកំពុងមាន។
Aston Vill ត្រៀមចាប់ផ្តើមរដូវកាលទី ៣ ជាប់ៗគ្នានៅ Premier League ក្រោយធ្លាក់ទៅលេងនៅក្របខណ្ឌ Championshipកាលពីឆ្នាំ២០១៩ ខណៈរដូវកាលចាស់ក្លឹប បញ្ចប់លេខរៀងទី ១១ កាលពីខែឧសភា។ក្លឹបនិងចាប់ផ្តើមប្រកួតរដូវកាលថ្មីជាមួយក្លឹបទើបនឹងឡើងមកពីក្របខណ្ឌលីកលំដាប់ទីពីរគឺ Watford នៅថ្ងៃសៅរ៍នេះ៕
ប្រភពព័ត៍មាន៖ BBC
