បរទេស៖ ខ្សែបម្រើ Manuel Locatelli ដែលជាសមាជិកលើកពាន Euro ឆ្នាំ២០២០ បានចូលរួមជាមួយនឹងក្លិប Juventus ក្នុងកិច្ចសន្យាខ្ចីជើងរយៈពេល២ឆ្នាំ ពីក្លិប Sassuolo។ នេះបើយោងទៅតាមការប្រកាសរបស់ក្លិបស្ថិតក្នុងក្របខ័ណ្ឌ Serie A មួយនេះ កាលពីថ្ងៃពុធ។ ខ្សែបម្រើ Locatelli បានស៊ុតបាល់បញ្ចូលទី២គ្រាប់ក្នុងចំណោមការប្រកួត៥លើក ខណៈដែលអ៊ីតាលី បានលើកពាន Euro កាលពីខែកក្កដា។
Juventus នឹងត្រូវតែចុះហត្ថលេខាជាមួយនឹង Locatelli ជាអចិន្ត្រៃយ៍ នៅក្នុងឆ្នាំ២០២៣ សម្រាប់តម្លៃខ្លួន៣៧,៥លានអឺរ៉ូ (ស្មើនឹង៤៣,៥លានដុល្លារអាមេរិក) ដែលក្នុងរាប់ញ្ចូលទាំងប្រាក់ឧបត្ថម្ភនានា ផងដែរ បន្ទាប់ពីការខ្ចីជើងរបស់គេបញ្ចប់។ កីឡាករវ័យ២៣ឆ្នាំរូបនេះ បានបង្ហាញខ្លួនក្នុងក្របខ័ណ្ឌកំពូលរបស់អ៊ីតាលីជាលើកដំបូងជាមួយនឹងក្លិប AC Milan កាលពីឆ្នាំ២០១៦ ក្រោយពីបានអភីវឌ្ឍចេញពីក្រុមយុវជនរបស់ក្លិប Atalanta នៅមុនពេលផ្ទេរទៅកាន់ក្លិប Sassuolo ក្នុងរយៈពេល២ឆ្នាំក្រោយមក។
Juventus បានឲ្យដឹងថា៖ «បន្ថែមទៅលើសមត្ថភាពរកបានគ្រាប់បាល់របស់គេ Manuel ក៏មានសមត្ថភាព និងរឹងមាំក្នុងតំបន់បម្រើផងដែរ ហើយនិងនាំយកកម្រិតនោះមកកាន់ក្លិបរបស់យើង»៕
ប្រភពព័ត៌មាន៖ Channel News Asia