បរទេស៖ លោក Mikel Arteta ត្រូវបានអ្នកគាំទ្រ Arsenal រិះគន់និងបង្កការរំខាននៅខាងក្រៅកីឡដ្ឋាន Emirates បន្ទាប់ពីក្រុមម្ចាស់ផ្ទះបានបរាជ័យចាញ់ក្រុមគូប្រជែងក្លឹបដែលមានមូលដ្ឋានរួមទីក្រុងឡុងដ៏គឺតោខៀវ Chelsea ក្នុងលទ្ធផល ២ទល់និង០ ។
សរុបមក Arsenal បានរងបរាជ័យទាំង ២ ប្រកួតនៅក្នុងក្របខ័ណ្ឌ Premier League របស់ពួកគេក្រោយចាញ់ក្រុមទើបនិងឡើងមក Brenford នៅថ្ងៃបើកឆាករដូវកាលថ្មី និង បន្តចាញ់ក្រុមលោក Thomas Tuchel ខណៈខ្សែប្រយុទ្ធ Romelu Lukaku និង Reece James ជាអ្នកនាំសំណាងដល់ក្រុមភ្ញៀវនៅសប្តាហ៏ទីពីរនេះ។ មិនមានប្រតិកម្មឆ្លើយតបនិងសកម្មភាពខាងលើនេះទេ ប៉ុន្តែ Arteta បានសារភាពថាក្រុមភ្ញៀវ Chelsea សមនឹងទទួលបានជ័យជម្នះប៉ុន្តែរូបលោកបានកោតសរសើរសមត្ថភាពលេងរបស់កូនក្រុមដែល ខិតខំប្រឹងប្រែងលេង ប្រឆាំងនឹងម្ចាស់ជើងឯកក្របខ័ណ្ឌ Champions League។ Arteta បន្ថែមថាៈ វាជាការបរាជ័យមួយទៀតដែលជារដូវកាលទីពីរដែលពិតជាពិបាកទទួលយកណាស់។ក្រុមតោខៀវ Chelsea សមនឹងឈ្នះខ្ញុំគិតថាពួកគេជាក្រុមដែលល្អជាង។
សម្រាប់ការប្រកួតលើកដំបូងក្នុងទឹកដី Emirate អ្នកគាំទ្រ Arsenal បានបង្ហាញពី ការខកចិត្តរបស់ពួកគេ នៅពេលបញ្ចប់តង់ទីមួយក៏ដូចជាពេលផ្លុំកញ្ចែបញ្ចប់ការប្រកួត។អ្នកគាំទ្រខ្លះទៀតបានបញ្ចេញកំហឹងរបស់ពួកគេដោយផ្ទាល់ទៅកាន់អ្នកចាត់ការសញ្ជាតិអេស្បាញ នៅពេលដែលគាត់រៀបចំធ្វើដំណើរត្រលប់ទៅគេហដ្ឋាន នៅល្ងាចថ្ងៃអាទិត្យ។ អ្នកគាំទ្រជាច្រើនបានរង់ចាំជុំវិញឡានដែលចតស្ងៀមមុនពេល អតីតជំនួយការគ្រូបង្វឹក Man.City រូបនេះចាកចញពីកីឡាដ្ឋានហើយក្នុងចំណោមពួកគេបាននិយាយបោះសម្តីជាមួយកាយវិការមិនសមរម្យដោយចាប់ផ្តើមជំរុញអោយរូបលោកលាលែងពីតំណែងផងដែរ៕
ប្រភពព័ត៍មាន៖ Metro