បរទេស៖ ក្រុមបាល់ទាត់ជម្រើសជាតិមិនស្គាល់ឈ្នះសោះពីការប្រកួត៥លើកចុងក្រោយរបស់ខ្លួន ហើយប្រធានក្រុម Hugo Lloris បានទទួលស្គាល់ថា ក្រុមមានរហស្សនាមថា Les Bleus មួយនេះ បានខ្វះនូវការជឿជាក់ ចាប់តាំងពីការធ្លាក់ចេញដ៏ខកចិត្តរបស់ពួកគេពីព្រឹត្តិការណ៍ Euro ឆ្នាំ២០២០ ក្នុងវគ្គ១៦ក្រុមចុងក្រោយមកម្ល៉េះ។
ក្រុមរបស់លោក Didier Deschamps នឹងធ្វើជាម្ចាស់ផ្ទះទទួលក្រុមជម្រើសជាតិហ្វាំងឡង់នៅរាត្រីនេះ ក្នុងការប្រកួតជម្រុះ World Cup ដ៏សំខាន់ ក្នុងពូល D ខណៈដែលពួកគេកំពុតែនាំមុខ ដោយមាន៩ពិន្ទុពីការប្រកួត៥លើក ពោលគឺនាំមុខ៤ពិន្ទុលើក្រុមហ្វាំងឡង់ ដែលនៅសល់២ប្រកួតក្នុងដៃ។ ក្រុមម្ចាស់ជើងឯកពិភពលោកមួយនេះ នឹងព្យាយាមចៀសឲ្យផុតការភ្លាត់ស្នៀត ខណៈដែលពួកគេបានជួបប្រទះរួចជាស្រេចក្នុងការប្រកួត២លើកមុន តាមរយៈការបញ្ចប់ក្នុងលទ្ធផលត្រឹមស្មើ ១-១ ជាមួយនឹងក្រុមជម្រើសជាតិបូស្នី និងអ៊ុយក្រែន។ Lloris បានប្រាប់សន្និសីទសារព័ត៌មានកាលពីថ្ងៃចន្ទថា៖ «យើងដឹងថា យើងកំពុងតែស្ថិតក្នុស្ថានភាពលំបាក ដែលប្រហែលជាមិនដូចករណី នៅមុនពេលការប្រកួតជាមួយនឹងអ៊ុយក្រែន កាលពីថ្ងៃសៅរ៍ សប្តាហ៍មុនឡើយ។
ថ្ងៃស្អែក គឺជាការប្រកួតមួយដែលមានលក្ខខណៈកាន់តែសំខាន់ជាងការប្រកួតមុនទៅទៀត។ យើងត្រូវតែបង្កើតការជឿជាក់ឡើងវិញ។ វានឹងកាន់តែងាយស្រួលក្នុងការធ្វើដំណើរទៅមុខ តាមរយៈការដណ្តើមបានជ័យជម្នះនៅរាត្រីនេះ»៕
ប្រភពព័ត៌មាន៖ Channel News Asia