បរទេស៖ អ្នកចាត់ការទូទៅក្រុមមាន់ខ្នាយមាស Tottenham លោក Nuno Espirito Santo បានចាត់ទុកថាក្លឹបរបស់លោក កំពុងជួបនូវរឿងអកុសល ដោយសារតែកីឡាករបានបន្តជួបបញ្ហារបួស ក្នុងកំលុងការប្រកួតពានរង្វាន់លីកកំពូលធំទីពីរនៅអឺរ៉ុប Europa Conference League ជាមួយ Rennes កាលពីយប់ថ្ងៃព្រហស្បត្ត៏ ។
ខ្សែបម្រើ Lucas Moura និងខ្សែបម្រើស្លាប Steven Bergwijn ត្រូវបានប្តូរចេញនៅតង់ទី២ខណៈ Spursបានវាយបកតាមស្មើក្រុមម្ចាស់ផ្ទះRennesក្នុងលទ្ធផល២ទល់និង២ ។លោកNuno បានបង្ហើបប្រាប់ថាវាពិតជាគួរឱ្យភ័យខ្លាចខ្ញុំត្រូវតែបង្ហាញពីភាពស្មោះត្រង់ដោយកុំលាក់បាំងអ្វីទាំងអស់។គ្រូបង្វឹកអន្តរជាតិព័រទុយហ្គាល់វ័យ ៤៧ ឆ្នាំរូបនេះបន្ថែមថាៈ បន្ទាប់ពីការប្រកួតជាមួយ Watford អ្វីៗ កើតឡើងគឺមិនល្អសម្រាប់យើងទេ។ប៉ុន្តែនេះគឺជាបាល់ទាត់។
ការប្រកួតជើងទី១ Europa League នេះលោក Nuno បានធ្វើការផ្លាស់ប្តូរសមាសភាពកីឡាករដល់ទៅ ៨ រូបក្រោយពីបរាជ័យ ៣ទល់និង០ កាលពីថ្ងៃសៅរ៍នៅឯ Crystal Palace ដោយមានតែ Harry Kane, Moura និង Japhet Tanganga ប៉ុណ្ណោះដែលរក្សាកន្លែងរបស់ពួកគេ៕
ប្រភពព័ត៍មាន៖ BBC