បរទេស៖ លោក Ronald Koeman «មិនឆ្លើយសំណួរណាមួយឡើយអំពីអនាគតរបស់លោក» ក្រោយពីគ្រាប់បាល់តែតបញ្ចូលទីរបស់កីឡាករ Ronald Araujo បានជួយឲ្យក្រុម Barcelona ដណ្តើមបាន១ពិន្ទុក្នុងពេលបញ្ចប់ក្នុងលទ្ធផលស្មើ ១-១ ជាមួយនឹងក្រុម Granada កាលពីថ្ងៃចន្ទ។
នេះគឺជាការបង្ហាញទម្រង់លេងដ៏ទន់ខ្សោយមួយផ្សេងទៀតលើទឹកដីខ្លួនឯង ខណៈដែលសម្ពាធនៅតែបន្តកើតឡើងលើលោក Koeman។ ខ្សែការពារកណ្តាល Araujo ដែលលេងក្នុងតួនាទីជាខ្សែប្រយុទ្ធ បានរកគ្រាប់បាល់បញ្ចូលទីនៅជិតបញ្ចប់ការប្រកួត ក្រោយពីការដាក់សម្ពាធយ៉ាងខ្លាំងក្លាពីក្រុម Barcelona។ ក្រុម Granada បានរកគ្រាប់បាល់នាំមុខមុននៅវិនាទី ទី២ តាមរយៈគ្រាប់បាល់របស់កីឡាករ Domingos Duarte។ ប៉ុន្តែ ក្រោយពីការជួបការខកចិត្តក្រោមស្នាដៃក្រុម Bayern ក្នុងការប្រកួតក្របខ័ណ្ឌ Champions League កាលពីសប្តាហ៍មុន ក្រុម Barcelona គួរតែមានក្លែវក្លាតិចតួចប៉ុណ្ណោះ ខណៈដែលសំណួរនានានៅតែបន្តចោទសួរអំពីអនាគតរបស់លោក Koeman ក្នុងនាមជាគ្រូបង្វឹករបស់ Barca។ សំឡេងកញ្ចែបញ្ចប់ការប្រកួតបានបន្លឺឡើង ស្របពេលដែលមានសំឡេងហួចបែបចំអកពីអ្នកគាំទ្រ ដែលខកចិត្តទៅនឹងលទ្ធផលនេះ និងទម្រង់លេងរបស់ក្រុមម្ចាស់ផ្ទះ។
លោក Koeman បានឲ្យដឹងថា៖ «យើងបានផ្លាស់ប្តូររបៀបលេងរបស់យើងបន្តិច។ ប្រសិនបើឃើញបញ្ជីឈ្មោះកីឡាករ តើអ្នកនឹងធ្វើបែបណា? តើត្រូវលេងបែប Tiki-taka ឬ? លេង Tiki-taka យ៉ាងម៉េច បើគ្មានចន្លោះផងហ្នឹង»៕
ប្រភពព័ត៌មាន៖ BBC
