បរទេស៖ Barcelona កំពុងពិចារណានាំយកលោក Roberto Martinez ដើម្បីជំនួសតំណែងលោក Ronald Koeman។ គ្រូបង្វឹកសញ្ជាតិហូឡង់លោក Koeman នៅតែបន្តដឹកនាំក្រោមការផ្តល់ឪកាសពីប្រធានក្លឹប Joan Laporta សម្រាប់យុទ្ធនាការរដូវកាលនេះ ទោះបី Barcelona ខកចិត្តនៅក្របខណ្ឌ La Liga និង Champions League ។
លទ្ធផលស្មើគ្នាជាមួយក្រុមGranadaដ៏លំបាក ក្នុងការប្រកួតកាលពីថ្ងៃអង្គារហើយលទ្ធផលនៅក្របខណ្ឌ Champions League ដោយបរាជ័យក្នុងលទ្ធផល៣ទល់និង០ ជាមួយBayern Munich ធ្វើអោយអនាគតអតីតគ្រូបង្វឹកហូឡង់រូបនេះកាន់តែរង សម្ពាធខ្លាំងឡើង។
គេហទំព័រ Goal ចង់់នាំយកគ្រូបង្វឹកសញ្ជាតិអេស្បាញដែលកំពុងដឹកនាំបែលហ្សិកលោក Roberto Martinez ជាគោលដៅអាទិភាពរបស់ក្លឹបBarcelona ។ ក្លឹបយក្សកាតាឡាន់ក៏បានត្រៀមផ្តល់កញ្ចប់ថវិកា ១០ លានផោនប្រសិនជាពួកគេបញ្ចប់តំណែងលោក Koeman ។ ប្រភពបន្ថែមថាលោក Martinez អាចនឹងបើកចំហឪកាសចាកចេញពីតំណែងដឹកនាំជម្រើសជាតិបែលហ្ស៊ិក ខណៈដែលរូបលោកមិនបានឈ្នះពានរង្វាន់លើឆាកអន្តរជាតិគួរជាទីពេញចិត្ត ក្រោយដឹកនាំជម្រើសជាតិទទួលបានចំណាត់ថ្នាក់លេខ៣សម្រាប់ព្រឹត្តការណ៏World Cup ២០១៨រួចមក។ Martinez ដឹកនាំជម្រើសជាតិឈ្នះ ៥០ ប្រកួតក្នុងចំណោម ៦៤ ប្រកួតជាមួយក្រុមជម្រើសជាតិ ប៊ែលហ្សិកប៉ុន្តែអតីតគ្រូបង្វឹក Everton និង Wigan Athletic នៅមានកិច្ចសន្យាដោយផុតកំណត់នៅឆ្នាំ២០២២ខាងមុខ៕
ប្រភពព័ត៍មាន៖ Sportsmole
