បរទេស៖ ខ្សែបម្រើឆ្នើម Mason Mount បានបង្ហាញសមត្ថភាពស៊ុតបញ្ចូលទីបីគ្រាប់ (Hat-trick) ខណៈក្រុមកំពូលតារាង Premier LeagueតោខៀវChelsea បានលត់ក្រុមបាតតារាង Norwich ក្នុងលទ្ធផលដល់ទៅ៧ទល់និង០ សម្រាប់ការប្រកួតក្រប ខណ្ឌ Premier League សប្តាហ៏ទី៩។
ក្រុមលោក Thomas Tuchel បាននាំមុខដល់ទៅ ២ទល់និង០ នៅក្នុងរយៈពេល ១៨ នាទីខណៈ Mount និង Callum Hudson-Odoi បានរកគ្រាប់បាល់ដំបូងរបស់ពួកគេក្នុងរដូវកាលនេះមុនពេល Mount បង្កើតឪកាសអោយ Reece James សម្រាប់គ្រាប់បាល់ទី ៣ មុនពេលបញ្ចប់តង់ទី ១ ។ខ្សែការពារស្លាបឆ្វេង Ben Chilwell បានស៊ុតបញ្ចូលទីគ្រាប់ទី៤នៅតង់ទី២និងរកបានសម្រាប់ការប្រកួតបួនដងជាប់ៗគ្នា មុនពេលគ្រាប់បាល់ចូលទីខ្លួនឯងរបស់ Max Aarons និងការរកគ្រាប់បាល់ពិន័យ១១ម៉ែត្រព្រមទាំងគ្រាប់បាល់ចុងម៉ោងរបស់ Mount បានបញ្ចប់ការប្រកួតក្នុងលទ្ធផលដល់ទៅ៧ទល់និង០ ។
ជារឿងគួរអោយសោកស្តាយសម្រាប់ក្រុមNorwich ដែលមិនទាន់ស្គាល់ឈ្នះនៅរដូវកាលនេះទេ និងបន្តឈរនៅទីបាតតារាងនៅនៅសល់កីឡាករត្រឹមតែ១០នាក់ប៉ុណ្ណោះចាប់តាំងពីនាទីទី៦៥មកម្លេះបន្ទាប់ពីខ្សែការពារ Ben Gibson របស់ក្រុមភ្ញៀវត្រូវបានបណ្តេញចេញដោយសារទទួលបានកាតលឿងជាលើកទី២៕
ប្រភពព័ត៍មាន៖ BBC