បរទេស៖ លោក Ole Gunnar Solskjaer បានបញ្ជាក់ថា លោកគឺជាបុគ្គលដ៏សមរម្យម្នាក់ក្នុងការដឹកនាំក្លិប Manchester United បើទោះបីបានរងបរាជ័យយ៉ាងចាស់ដៃក្រោមស្នាដៃក្រុម Liverpool កាលពីថ្ងៃអាទិត្យក៏ដោយ ខណៈដែលខ្សែប្រយុទ្ធ Mohamed Salah បានស៊ុតបាល់បញ្ចូលទី៣គ្រាប់ ក្នុងពេលក្រុមខ្លួនដណ្តើមបានជ័យជម្នះ ៥-០ នាកីឡដ្ឋាន Old Trafford។
សម្រាប់រយៈពេលជាលើកដំបូងក្នុងប្រវត្តិសាស្ត្រនៃក្របខ័ណ្ឌ Premier League ក្រុម Man United បានរបូតគ្រាប់បាល់ដល់ទៅ ៤-០ នៅត្រឹមតង់ទី១ និងបានរងបរាជ័យក្នុងលទ្ធផល៥-០ ដោយមិនបានរកគ្រាប់បាល់បញ្ចូលទីវិញនៅលើទឹកដីខ្លួនឯងជាលើកទី១ បើគិតចាប់តាំងពីឆ្នាំ១៩៥៥។ បច្ចុប្បន្នក្រុមហង្សបិសាចមួយនេះ ដណ្តើមបានត្រឹមតែ១២ពិន្ទុគត់ក្នុងការប្រកយតក្របខ័ណ្ឌលីក១២លើកនិងបានធ្លាក់ទឈរក្នុចំណាត់ថ្នាក់លេខ៧ ដោយដេញតាមពីក្រោយក្រុមកំពុងនាំមុខ Chelsea ដល់ទៅ៨ពិន្ទុ។
លោក Solskjaer បានឲ្យដឹងថា៖ «ខ្ញុំពិតជាជឿជាក់លើខ្លួនខ្ញុំថា ខ្ញុំកំពុងតែក្បែរចំណុចដែលខ្ញុំចង់បានជាមួយនឹងក្លិបនេះ។ លទ្ធផលថ្មីៗនេះ មិនបានល្អប្រសើរឡើយ ដែលនាំឲ្យមានការសង្ស័យក្នុងចិត្តគ្រប់គ្នា ប៉ុន្តែ ខ្ញុំបានរក្សាភាពខ្លាំង និងជឿជាក់លើអ្វីដែលយើងកំពុងតែធ្វើ»៕
ប្រភពព័ត៌មាន៖ Channel News Asia