បរទេស៖ ក្រោយចូលមកដឹកនាំ Barcelona លោក Xavi Hernandez កំពុង ពិចារណា ចុះហត្ថលេខានាំយកមកវិញនូវខ្សែការពារដ៏មានបទពិសោធន៏ជើងចាស់ Dani Alves មកកាន់ទឹកដី Camp Nou វិញក្នុងរយៈពេលខ្លី ។គួរបញ្ជាក់ថាកីឡាករវ័យ៣៨ ឆ្នាំសញ្ជាតិប្រេស៊ីលរូបនេះធ្លាប់លេងឱ្យក្លឹបយក្សកាតាឡាន់នៅចន្លោះឆ្នាំ ២០០៨ដល់ ២០១៦ បច្ចុប្បន្នគឺគ្មានក្លឹបលេងទេ ក្រោយបង្ហាញខ្លួនចុងក្រោយអោយក្លឹបSao Paulo ក្នុងខែកញ្ញា។
ផ្ទុយទៅវិញប្រភពពីគេហទំព័រ Marca បានចុះផ្សាយថាៈBarcelona មិនចាប់អារម្មណ៍ក្នុងការចុះហត្ថលេខានាំយក Alves មករួមក្រុមសាជាថ្មីនោះទេ។ ក៏ព្រោះតែគ្រូបង្វឹកសញ្ជាតិអេស្បាញរូបនេះមានផែនការផ្តល់អាទិភាពនិង ពេលវេលាដល់កីឡាករវ័យក្មេងរបស់ក្រុមជំនួសវិញ។ប្រភពខាងលើបន្តថាៈខ្សែការពារស្លាបស្តាំរូបនេះ អាចត្រលប់មកជួយក្លឹបវិញក្នុងតួនាទីជាបុគ្គលិកខណៈ Barcelona បើកចំហរក្នុងការពិភាក្សាអំពីតួនាទីជាជំនួយការគ្រូបង្វឹកប្រសិនAlves សម្រេចចិត្ត ចូលនិវត្តន៍ពីបាល់ទាត់អាជីព។
Alves បានបង្ហាញខ្លួនចំនួន ៣៩១ប្រកួតនិងធ្លាប់ឈ្នះពានរង្វាន់លីគកំពូលអេស្បាញ៦លើក និង Champions League ចំនួន ៣ ដងក្នុងអំឡុងពេលដែលទទួលបានជោគជ័យយ៉ាងខ្លាំង៕
ប្រភពព័ត៍មាន៖ Sportsmole