បរទេស៖ ខ្សែការពារប្រវត្តិសាស្រ្ត Liverpool លោក Jamie Carragher បានគាំទ្រនិងជ្រើសយកបេក្ខភាពខ្សែប្រយុទ្ធ Robert Lewandowski ជាអ្នកឈ្នះពានរង្វាន់បាល់មាស Ballon d’Or ឆ្នាំ ២០២១នេះ ។ ប្រធានក្រុម ជម្រើស ជាតិប៉ូឡូញរូបនេះបានដើរតួនាទិដ៏សំខាន់ និង បានរកគ្រាប់បាល់ច្រើនគ្រាប់ក្នុងការប្រកួតកាលពីរដូវកាល ២០១៩-២០២០ ហើយបានជួយអោយក្រុមលោកHansi Flick ឈ្នះពាន៣ក្នុង១រដូវកាល។ ទោះយ៉ាងណា Lewandowski បានខកខានពានរង្វាន់ Ballon d’Or ដោយសារតែត្រូវលុបចោលដោយសារការរីករាលដាលនៃ មេរោគកូវីត-១៩ ។
ខ្សែប្រយុទ្ធជួរមុខរូបនេះនៅតែបង្ហាញពីភាពខ្លាំងនៅរដូវកាលនេះនិងបានបន្តជួយអោយBayern Munich ឈរ នៅកំពូលតារាងដើម្បីជម្រុញអោយរូបគេបន្តប្រជែងពានបាល់មាស Ballon d’Or សម្រាប់ឆ្នាំ២០២១នេះ។ Carragher ជឿជាក់ថា Lewandowski ក៏សមនឹងឈ្នះវាដែរ ប៉ុន្តែការឈ្នះពានរង្វាន់ Copa America ២០២១ របស់ Lionel Messi ជាមួយអាហ្សង់ទីនគឺជាទីចំណាប់អារម្មណ៏ដ៏លេចធ្លោសម្រាប់ការបោះឆ្នោតផងដែរ។មានន័យថាទំាង Robert Lewandowski និងម្ចាស់ពានបាល់មាស៦សម័យ Lionel Messiគឺជាបេក្ខាភាពលេចធ្លោដែលមានឪកាសខ្ពស់ក្នុងការឈ្នះពាន Ballon d’Or ឆ្នាំ ២០២១ ដែលនិងត្រូវប្រកាសជាផ្លូវការណ៏ នៅសប្តាហ៍ក្រោយ។
រដូវកាលចាស់Lewandowskiរកបានគ្រាប់បាល់រហូតដល់ទៅ៤៨គ្រាប់ក្នុងការបង្ហាញខ្លួន៤០ប្រកួត នោះរួមបញ្ចូលការស៊ុតបាល់បញ្ចូលទីចំនួន ៤១ ដងក្នុងក្របខ័ណ្ឌ Bundesligaនាំអោយក្រុមយក្ស Bavarian បានបន្តលើកពាន Bundesliga រួមជាមួយនឹង DFL Supercup, UEFA Super Cup និង FIFA Club World Cup ផងដែរ៕
ប្រភពព័ត៍មាន៖ Sportskeeda