បរទេស៖ Man Utdកំពុងតែសម្លឹងគេចអោយផុតពីកំនត់ត្រាដ៏អាក្រក់ពេលប្រកួតជាមួយក្រុមកំាភ្លើងធំArsenal នៅទឹកដី Old Trafford នារាត្រីថ្ងៃព្រហស្បត្ត៏នេះនៅលីកកំពូលអង់គ្លេស។ លោកMichael Carrick នៅតែមានតួនាទីដឹកនាំក្រុមជើងឯកអង់គ្លេស២០សម័យបំពេញតួនាទិដ៏សំខាន់មួយនេះ បើទោះបីជាក្លឹបបានតែងតាំងគ្រូបង្វឹកអាឡឺម៉ង់លោកRalf Ragnick ធ្វើជាអ្នកចាត់ការបណ្តោះអាសន្ន ខណៈអតីតគ្រូបង្វឹកក្រុមRB Leipzigរូបនេះនៅបន្តរង់ចាំការកំនត់ចូលមកដឹកនាំ។
គួររំលឹកថាMan.Utdមិនដែលឈ្នះArsenalទេ សម្រាប់ការប្រកួត៦លើកចុងក្រោយ ប៉ុន្តែពួកគេក៏មិនដែលមានប្រវត្តិមិនដែលឈ្នះសោះរហូតដល់ទៅ៧ដងនៅក្របខណ្ឌ Premier Leagueពេលជួបជាមួយក្រុមដែល មាន មូលដ្ឋាននៅភាគខាងជើងទីក្រុងឡុងដ៏នោះដែរ។ទោះយ៉ាងណាក្រុមទំាងពីរប្រកួតចុងក្រោយស្មើគ្នា០ទល់និង០នៅទឹកដី Emirate Stadium ប៉ុន្តែArsenalបានផ្តួលពួកគេដោយលទ្ធផល១ទល់និង០នៅទឹកដីOld Trafford កាលពីរដូវកាលចាស់។
មានន័យថាMan.Utdមិនដែលឈ្នះArsenalនៅទឹកដីOld Trafford ចាប់តាំងពីខែមេសា ឆ្នាំ២០១៨ពេលដែល អតីតខ្សែការពារMaroune Fellaini រកបានគ្រាប់បាល់ជ័យជំំនះសម្រាប់ពួកគេនោះ។ទម្រង់លេងដ៏លំបាករបស់ក្រុមបច្ចុប្បន្នគឺMan.Utdកំំពុងឈរនៅចំណាត់ថ្នាក់លេខរៀងទី៨និងមាន គម្លាត៥ពិន្ទុពីក្រុមលោកMikel Arteta ដែលឈរនៅលេខរៀងទី៥៕
ប្រភពព័ត៍មាន៖ Sportsmole