បរទេស៖ ក្រុមហង្សក្រហម Liverpool បានជម្នះលើបញ្ហានៃការផ្ទុះកូវីដ ១៩ ដើម្បីរក្សាស្ថិតក្នុងការប្រជែងដណ្តើមពានក្របខ័ណ្ឌ Premier League ក្រោយពីបានយកឈ្នះលើក្រុម Newcastle ក្នុងលទ្ធផល ៣-១ កាលពីថ្ងៃព្រហស្បតិ៍ ខណៈដែល Trent Alexander-Arnold បានស៊ុតបាល់បញ្ចូលទីយ៉ាងល្អ។
Liverpool បានអវត្តមាន Virgil van Dijk និង Fabinho ដោយសារតែករណីឆ្លងកូវិដ ១៩ នៅមុនពេលការប្រកួត ខណៈដែល ការផ្ទុះការឆ្លងជាថ្មីនៅអង់គ្លេស កំពុងតែគំរាមដល់ការផ្អាកការប្រកួតនៅរដូវកាលនេះ។ Liverpool បានជួបភាពស្រឡាំងកាំងនៅដើមតង់ នៅពេលដែលកីឡាករ Jonjo Shelvey បានរកគ្រាប់បាល់បើកឆាក នៅពេលប្រកួតជាមួយនឹងអតីតក្លិបរប់សគេ ក្រោយពីលេងបានត្រឹមតែ៧នាទី។ ប៉ុន្តែ Newcastle នៅតែឡើងមិនរួចពីតំបន់កាត់ចោល ខណៈដែលគ្រាប់បាល់ស៊ុតបញ្ចូលទីពីកីឡាករ Diogo Jota និង Mohamed Salah បានផ្លាស់ប្តូរការប្រកួតវិញ នៅមុនពេលបញ្ចប់តង់ទី១។
គ្រាប់បាល់ស៊ុតបញ្ចូលទីយ៉ាងល្អពី Alexander-Arnold នៅរយៈពេល៤នាទីចុងក្រោយ បានបំពេញជ័យជម្នះ៨លើកជាប់ៗគ្នាសម្រាប់ក្រុមរបស់លោក Jurgen Klopp តែម្តង ខណៈដែលពួកគេតាមពីក្រោយក្រុម Manchester City ត្រឹមតែ១ពិន្ទុគត់៕
ប្រភពព័ត៌មាន៖ Channel News Asia