បរទេស៖ Trent Alexander-Arnold មានឪកាសរកបានគ្រាប់បាល់បញ្ចូលទីដ៏ល្អបំផុតដែលត្រូវបានចាត់ទុកថាជាគ្រាប់បាល់សម្រាប់ប្រជែងជាប់ឈ្មោះជាគ្រាប់បញ្ចូលទីដ៏ល្អក្នុងរដូវកាលនេះ ពេលជួយ Liverpool ផ្តួលក្រុមលេខ១៩បាតតារាងNewcastle United នៅកីឡដ្ឋាន Anfieldកាលពីរាត្រីថ្ងៃព្រហស្បត្ត៏ ។
ក្រុមលោក Jurgen Klopp បានជួបការលំបាកក្នុងការវាយបកដណ្តើមជ័យជំនះសម្រាប់ការ ប្រកួតសប្តាហ៏ទី១៧ បន្ទាប់ពីគ្រាប់បាល់ស៊ុតបញ្ចូលទីយ៉ាងល្អរបស់ Jonjo Shelvey នៅនាទីទី៧។ ទោះយ៉ាងណា ការខិតខំប្រឹងប្រែងរបស់ Diogo Jota និងMohamed Salah នៅនាទីទី២១ និង២៥ជាអ្នករកគ្រាប់បាល់វាយបកនាំមុខវិញសម្រាប់ម្ចាស់ផ្ទះ។ ទម្រង់លេងនៅតែបន្តខណៈនាទីទី៨៧ខ្សែការពារស្លាបស្តាំ Alexander-Arnold បានផ្តល់ក្រុមអោយទទួលភាពកក់ក្តៅយកបីពិន្ទុដោយការស៊ុតបាល់ពីចំងាយដ៏ល្អនៅនាទីទី៨៧ ខណៈអ្នកចាំទីសញ្ជាតិឆេក Martin Dubravka ព្យាយាមហក់សង្គ្រោះបាល់មិនបាននោះទេ ។ជ័យជម្នះនេះបានធ្វើឱ្យ Liverpool បង្កើនគម្លាតជាមួយក្រុមកំពូលតារាងMan.City មួយពិន្ទុប៉ុណ្ណោះ និង៣ពិន្ទុលើក្រុមចំណាត់ថ្នាក់លេខ៣Chelsea ដែលប្រកួតស្មើ Everton ។
Liverpool បានបង្កើតកំនត់ត្រាឈ្នះ ៣២ដងគ្រប់ក្របខណ្ឌ ប្រកួតជាលើកដំបូង និងក៏ក្លាយជាក្រុមទី១នៅលីកកំពូលអង់គ្លេសដែលឈានដល់ការឈ្នះជើងឯកកំពូលចំនួន ២០០០ ប្រកួត។ទន្ទឹមនឹងនោះ Salah បានតាមស្មើកំណត់ត្រា Premier League របស់ Jamie Vardy ក្នុងការ ស៊ុតបញ្ចូលទី១៥ប្រកួតជាប់ៗគ្នាផងដែរ៕
ប្រភពព័ត៍មាន៖ Sportsmole