បរទេស៖ ក្លិបស្ថិតក្នុងក្របខ័ណ្ឌ Premier League និង EFL បានសម្រេចជ្រើសរើសបំពេញកម្មវិធីប្រកួតនារដូវបុណ្យទានរបស់ខ្លួន បើទោះបីមានការរំខានដោយសារតែវិបត្តិកូវីដ ១៩ ដែលកំពុងតែបន្តក៏ដោយ។
សេចក្តីសម្រេចនេះ បានកើតឡើង បើទោះបីកីឡាកររបស់ក្របខ័ណ្ឌ Premier League បានទទួលលទ្ធផលតេស្តវិជ្ជមាន៩០ករណី កាលពីសប្តាហ៍មុនក៏ដោយ។ ក្លិបចំនួន២០របស់ក្របខ័ណ្ឌ Premier League បានជួបប្រជុំគ្នាកាលពីថ្ងៃចន្ទ ដើម្បីពិភាក្សាលើកម្មវិធីប្រកួត ក្រោយពីការប្រកួតចំនួន៦ ត្រូវបានពន្យារពេលកាលពីចុងសប្តាហ៍ថ្មីៗនេះ។ មិនមានការបោះឆ្នោតបានប្រព្រឹត្តឡើងឡើយ ហេតុនេះ ការប្រកួត២ជុំ នឹងត្រូវប្រព្រឹត្តទៅក្នុងរយៈពេល៥ថ្ងៃ ចាប់ពីថ្ងៃទី២៦ ខែធ្នូ ស្របពេលដែលក្របខ័ណ្ឌ EFL នឹងលេងការប្រកួតរបស់ខ្លួន នៅកន្លែងដែលមានសុវត្ថិភាព។
វាធ្លាប់ត្រូវបានគេរំពឹងទុកថា ការប្រកួតសប្តាហ៍ទី២០នៃក្របខ័ណ្ឌ Premier League ដែលចាប់ផ្តើមនៅថ្ងៃទី២៨ ខែធ្នូ នឹងត្រូវពន្យារពេល ដើម្បីកាត់បន្ថយសម្ពាធលើក្រុមស្ថិតក្នុងក្របខ័ណ្ឌ Premier League។ BBC Sport យល់ឃើញថា ចំណុចពិភាក្សាមួយ ក្នុងកិច្ចប្រជុំ គឺតម្រូវឲ្យក្លិបនីមួយៗ លេងការប្រកួត២លើកនារដូវបុណ្យទាន ក្នុងចំណោមការប្រកួត៣ជុំ ដែលមានន័យថា គ្មានកម្មវិធីប្រកួតពេញទាំងស្រុង នឹងត្រូវពន្យារពេលឡើយ៕
ប្រភពព័ត៌មាន៖ Channel News Asia
