បរទេស៖ ខ្សែបម្រើស្លាបរបស់ក្លឹប Bayern Munich ដែលធ្លាប់ឈ្នះពាន Bundesliga ៦ឆ្នាំចុងក្រោយជាប់ៗគ្នាកីឡាករ Kingsley Coman កំពុងទាក់ទាញចំណាប់អារម្មណ៍ពីក្លឹបយក្សនៅអឺរ៉ុបគឺ Barcelona, Real Madrid និង Man. United ។កីឡាករវ័យ២៥ ឆ្នាំរូបនេះកំពុងតែត្រូវបានក្រុមការពារតំណែងជើងឯកអាឡឺម៉ង់បញ្ចុះបញ្ចូលអោយបន្តកុងត្រាថ្មីជាមួយការផ្តល់ជូនប្រាក់ឈ្នួល១២,៧លានផោន/១ឆ្នាំ ស្របពេលសាម៉ីខ្លួនទាមទារ១៧លានផោនក្នុង១ឆ្នាំឯណោះ។
:focal(1107x392:1109x390)/origin-imgresizer.eurosport.com/2021/09/17/3221954-65956348-2560-1440.jpg)
កិច្ចសន្យាបច្ចុប្បន្នរបស់កីឡាករអន្តរជាតិបារាំងនិងផុតកំណត់នៅខែមិថុនា ឆ្នាំ ២០២៣ខាងមុខ។ ទោះយ៉ាងណា ប្រសិនបើភាគីទាំងពីរមិនយល់ព្រមលក្ខខណ្ឌ នោះ Bayern Munich និងត្រូវបង្ខំ ចិត្ត លក់អតីតកីឡាករPSGនិង Juventus ក្នុងតម្លៃសមរម្យដើម្បីជៀសវាងបាត់បង់រូបគេពីទឹកដីAllianz Arena ដោយគ្មានតម្លៃខ្លួន យោង Mundo Deportivoបានចុះផ្សាយ ។
គួរបញ្ជាក់ថា Coman គឺជាកីឡាករតែម្នាក់គាត់ដែលធ្លាប់ឈ្នះពានរង្វាន់នៅលីកកំពូលធំៗបីផ្សងគ្នា ក្នុង ៩រដូវកាល របស់ពេលប្រកបអាជីពជាមួយ Bayern Munich, Paris Saint-Germain និង Juventus ត្រូវបានយល់ថាកំពុងពិចារណាចង់ផ្លាស់ទៅកាន់លីកកំពូលអង់គ្លេសរឺអេស្បាញដើម្បីដកស្រង់បទពិសោធន៏បន្ថែមទៀត៕
ប្រភពព័ត៍មាន៖ Sportsmole
