បរទេស៖ លោក Juergen Klopp អ្នកចាត់ការទូទៅរបស់ក្រុម Liverpool បានបញ្ជាក់ថា ក្រុមរបស់លោកមិនអាចសូម្បីតែគិតអំពីសមត្ថភាពក្នុងការតាមឲ្យទាន់ក្រុម Manchester City ដែលកំពុងតែនាំមុខលើតារាងក្របខ័ណ្ឌ Premier League នោះឡើយ ប្រសិនបើពួកគេបង្ហាញពីទម្រង់លេងដូចដែលពួកគេបានបង្ហាញក្នុងពេលចាញ់ក្រុម Leicester City ក្នុងលទ្ធផល ១-០ កាលពីថ្ងៃអង្គារ។
ក្រុមរបសលោក Klopp បានរងបរាជ័យជាលើកទី២ក្នុងក្របខ័ណ្ឌលីកនៅរដូវកាលនេះ នាកីឡដ្ឋាន King Power ដែលនាំឲ្យពួកគេដេញតាមពីក្រោយក្រុម ដែលបានផ្តួលក្រុម Leicester នៅថ្ងៃ Boxing Day ដើម្បីកត់ត្រាជ័យជម្នះក្នុងការប្រកួតលីកចំនួន៩លើកជាប់ៗគ្នា រហូតដល់ត្រឹម៦ពិន្ទុ ពីការប្រកួត១៩លើកក្នុងយុទ្ធនាការនេះ។ លោក Klopp បានប្រាប់អ្នកយកព័ត៌មានថា៖ «នោះមិនមែនជាផែនការរបស់យើងនៅរាត្រីនេះឡើយដែលនាំឲ្យ Man City នាំមុខកាន់តែឆ្ងាយ។ ប្រសិនបើយើងលេងដូចនៅរាត្រីនេះ យើងមិនត្រូវគិតពីការតាមឲ្យទាន់ Man City ឡើយ។
ប៉ុន្តែ ប្រសិនបើយើងអាចលេងតាមកម្រិតបាល់ទាត់របស់យើង យើងអាចមើលឃើញពីចំណុចដែលមានន័យក្នុងការប្រជែងពាន។ ខ្ញុំមិនមានការពន្យល់ឲ្យបានសមស្របនៅរាត្រីនេះឡើយ។ ក្នុងការស្វែងមូលហេតុ គឺជាកង្វល់របស់ខ្ញុំ មិនមែនជាផ្តោតលើកម្រិតដែល Man City មានឡើយ»៕
ប្រភពព័ត៌មាន៖ Channel News Asia
