បរទេស៖ ក្រុម Manchester City បានបន្ថែមពិន្ទុនាំមុខរបស់ពួកគេនៅលើកំពូលតារាងនៃក្របខ័ណ្ឌ Premier League រហូតដល់ទៅ៨ពិន្ទុ កាលពីថ្ងៃពុធ ក្រោយពីបានផ្តួលក្រុម Brentford ក្នុងលទ្ធផល ១-០ ខណៈដែល Chelsea បានរបូតគ្រាប់បាល់តាមស្មើនៅជិតបញ្ចប់ការប្រកួតជាមួយនឹងក្រុម Brighton។
គ្រាប់បាល់ស៊ុតបញ្ចូលទីនៅតង់ទី១របស់ Phil Foden គ្រប់គ្រាន់ក្នុងការជួយឲ្យក្រុមម្ចាស់ការពារជើងឯករបស់លោក Pep Guardiola កត់ត្រាជ័យជម្នះជាលើកទី១០ជាប់ៗគ្នា ក្នុងការប្រកួតក្របខ័ណ្ឌលីក ខណៈដែលពួកគេបានដណ្តើមយកប្រៀបទាំងស្រុងចំពោះការភ្លាត់ស្នៀតរបស់ក្រុម Chelsea នៅកីឡដ្ឋាន Stamford Bridge។ បច្ចុប្បន្ន Man City មាន៥០ពិន្ទុ ក្រោយពីការប្រកួត២០លើក ដែលនាំឲ្យពួកគេនាំមុខ៨ពិន្ទុលើក្រុមឈរលេខ២ Chelsea ដែលកំពុងតែនាំមុខ១ពិន្ទុលើក្រុម Liverpool។
ក្រុម Chelsea របស់លោក Thomas Tuchel ទំនងដូចជាដណ្តើមបានជ័យជម្នះទៅហើយ ក្រោយពី Romelu Lukaku បានជួយឲ្យពួកគេរកបានគ្រាប់បាល់នាំមុខនៅតង់ទី១ នៅមុនពេលកីឡាករបម្រុង Danny Welbeck បានរកគ្រាប់បាល់នៅជិតបញ្ចប់ការប្រកួតដើម្បីតាមស្មើក្នុងលទ្ធផល ១-១ តែម្តង៕
ប្រភពព័ត៌មាន៖ Channel News Asia
