បរទេស៖ Bruno Fernandes ខ្សែបម្រើ-ប្រយុទ្ធស្លាបក្រុមបិសាចក្រហម Man Utd បានហៅពត៌មាននៃការភ្ជាប់ទំនាក់ទំនងរបស់ខ្លួនក្នុងការផ្ទេរទៅកាន់ក្លឹបអ្នកមានបុណ្យ Barcelona ថាគឺជាការចុះផ្សាយ របស់បណ្តាញសារពត៌មានដែលគ្មានវិជ្ជាជីវៈ។
ការឆ្លើយតបរបស់កីឡាករអន្តរជាតិព័រទុយហ្គាលរូបនេះធ្វើឡើងបន្ទាប់ពី ទូរទស្សន៍ SPORT TV របស់ព័រទុយហ្គាល់បានចុះផ្សាយថាៈ Fernandes ទទួលបានសំណើរផ្ទេរទៅកាន់ក្លឹបយក្សកាតាឡាន់ នៅខែមករានេះ។ Fernandes បានក្លាយជាតួអង្គដ៏សំខាន់នៅទឹកដី Old Trafford ក្រោយផ្លាស់ពីក្រុម Sporting CP ក្នុងខែមករាឆ្នាំ ២០២០ ប៉ុន្តែមិនបានបង្ហាញទម្រង់លេងល្អដូចការរំពឹងទុក សម្រាប់ការចាប់ផ្តើមរដូវកាលដំបូងរហូតដល់ពេលបច្ចុប្បន្ននៃរដូវកាល២០២១-២០២២នេះ ។
កីឡាករវ័យ២៧ ឆ្នាំរូបនេះរកបានតែ ១ គ្រាប់ប៉ុណ្ណោះក្នុងការប្រកួត Premier League ១៤ ដងចុងក្រោយរបស់គាត់ ហើយត្រូវបានមើលឃើញថា ជាកីឡាករម្នាក់ក្នុងចំណោមកីឡាករជាច្រើនដែលមិនសប្បាយចិត្តជាមួយក្លឹបនៅពេលបច្ចុប្បន្នខណៈMan.Utdកំពុងឈរនៅលេខរៀងទី៧ និង មានគម្លាត៤ពិន្ទុពីក្រុមដែលមានឪកាសជាប់កៅអីទៅលេងនៅក្របខ័ណ្ឌ Champions League រដូវកាលក្រោយ៕
ប្រភពព័ត៍មាន៖ Goal