បរទេស៖ បន្ទុកប្រាក់ឈ្នួលរបស់ Kepa Arrizabalaga គឺជាឧបសគ្គសម្រាប់ការផ្ទេរកីឡាករអន្តរជាតិអេស្បាញរូបនេះទៅកាន់ទឹកដី Lazio កំលុងពេលទីផ្សារដោះដូរកីឡាករកំពុងបើកដំណើរការនៅខែមករា ២០២២នេះ។ អ្នកចាំទីថ្លៃដែលមានតម្លៃខ្លួនថ្លៃបំផុតរបស់ពិភពបាល់ទាត់បន្ទាប់ពីរូបគេបានផ្លាស់ពី AT Bilbao មកកាន់ទឹកដី Chelsea នៅរដូវក្តៅឆ្នាំ២០០១៨រូបនេះនៅតែបន្តតស៊ូបង្ហាញខ្លួនក្នុងនាមកីឡាករកំនត់ត្រាម្នាក់របស់ក្លឹប។
មានន័យថាកីឡាករវ័យ២៧ឆ្នាំរូបនេះបានធ្លាក់ទៅលេងជាកីឡាករដៃទី២ ក្រោយពីក្លឹបបានសម្រេចនាំយកកីឡាករអន្តរជាតិ សេណេហ្គាល់ Edouard Mendy មកកាន់ទឹកដី Stamford Bridge កាលពីដើមរដូវកាលមុន។គេហទំព័រ The Athletic បានចុះផ្សាយថាៈ Lazioដែលកំពុងតែដឹកនាំដោយអតីតគ្រូបង្វឹកChelsea លោក Maurizio Sarri មានបំណងចង់បាន Kepa មកលលេងនៅលីកកំពូលអ៊ីតាលី មុនដំណាច់ខែនេះ ប៉ុន្តែអ្វីដែលសំខាន់នោះគឺ ញកញ្ចប់ប្រាក់ឈ្នួលដ៏ច្រើនរបស់គាត់ដល់ទៅ១៧០,០០០ផោន/សប្តាហ៏។ ដូច្នេះក្រុមដែលមានមូលដ្ឋាននៅទីក្រុងរ៉ូម មិនអាចមានលទ្ធភាពគ្រប់គ្រាន់ដើម្បីធានារ៉ាប់រងលើប្រាក់ឈ្នួលសម្រាប់ការរៀបចំខ្ចីជើងដែលបានស្នើឡើងនោះទេ។
Kepa បានបង្ហាញខ្លួនបានតែ ៧ ដងប៉ុណ្ណោះសម្រាប់ Chelsea នៅរដូវកាលនេះនិងលេងបានតែ១លើកគត់នៅក្របខណ្ឌ Premier League ពេលជួបTottenham Hotspur កំលុងពាក់កណ្តាលខែកញ្ញា៕
ប្រភពព័ត៍មាន៖ Sportsmole