បរទេស៖ Man United មានបំណងចង់នាំយកខ្សែការពារស្លាបស្តាំ Brighton & Hove Albion កីឡាករ Tariq Lamptey ទៅកាន់ទឹកដី Old Trafford ក្នុងអំឡុងពេលទីផ្សារដោះដូរកីឡាករនិងបើកនៅពេលបញ្ចប់រដូវកាលនេះ។កីឡាករវ័យ ២១ ឆ្នាំរូបនេះបានបង្ហាញទម្រង់លេងគួរអោយចាប់អារម្មណ៏និងបានដើរតួនាទីដ៏សំខាន់សម្រាប់ក្លឹបរហស្សនាមសត្វរំពេរ (Seagulls)ក្រោយចាកចេញពី Chelsea ក្នុងខែមករា ឆ្នាំ ២០២០ ខណៈដែលក្លឹបធំៗផ្សេងទៀតមានដូចចជា Arsenal និង Tottenham Hotspurក៏មានចំណាប់អារម្មណ៏ផងដែរ។
ទោះបីគ្រូបង្វឹក Brighton លោក Graham Potter បានទទូចថា Lamptey នឹងមិនចាកចេញក្នុងខែមករានេះទេ ប៉ុន្តែក្លឹបនិងអាច តស៊ូដើម្បីរក្សាទុកកីឡាករជម្រើសជាតិអង់គ្លេសអាយុក្រោម ២១ ឆ្នាំរូបនេះយ៉ាងហោចណាស់ត្រឹម រដូវក្តៅខាងមុខប៉ុណ្ណោះ។
គេហទំព័រ Daily Mail បានចុះផ្សាយថាៈ Man Utd មានចំណាប់អារម្មណ៍ចង់បានLamptey មកពង្រឹងក្រុមបន្ថែមទៀតបើទោះបីជាក្លឹបមានកីឡាករ Aaron Wan-Bissaka និង Diogo Dalot ដែលលេងនៅតំបន់នេះរួចទៅហើយក្តី។ប្រភពបន្តថាៈសមត្ថភាពរបស់ Lamptey ដែលអាចលេងនៅការពារកណ្តាលនិងការពារស្លាបបានទាក់ទាញការចង់បានពីសំណាក់ម្ចាស់ជើងឯកអង់គ្លេស ២០ សម័យកាល។
Man United នឹងត្រៀមចំណាយប្រាក់ប្រមាណ៣០ លានផោនសម្រាប់Lamptey ប៉ុន្តែ Brighton អាចនិងយល់ព្រមក្នុងតម្លៃប្រមាណ ៤០ លានផោនឯណោះ ។ទោះយ៉ាងណា Lamptey បានបង្ហាញខ្លួនត្រឹមតែ ១៣ ប្រកួតប៉ុណ្ណោះនៅរដូវកាល២០២១-២០២២ និងបាន ខកខានចូលលេងកាលពីដើមរដូវកាលការចាប់ផ្តើមរដូវកាលដោយសាររបួស៕
ប្រភពព័ត៍មាន៖ Sportsmole
