បរទេស៖ Everton បានបញ្ជាក់ជាផ្លូវការណ៏ថា Ashley Cole បានចូលរួមជាមួយក្លឹបក្នុងនាមជាជំនួយការគ្រូបង្វឹកឈុតធំរបស់ពួកគេ។វីរបុរសក្រុមតោខៀវChelsea បច្ចុប្បន្នមានវ័យ ៤១ ឆ្នាំរូបនេះបានចូលរួមជាមួយ អតីតមិត្តរួមក្រុម Chelsea ដែលបច្ចុប្បន្នបានទទួលការងារជាអ្នកចាត់ការទូទៅថ្មី Frank Lampard ។ Cole ធ្លាប់មនតួនាទីជាជំនួយការកីឡាករយុវជនថ្នាលក្រុម ក្រុមតោខៀវ Chelsea ពីមុនផងដែរ។
អតីតខ្សែការពារស្លាបឆ្វេងក្រុមជម្រើសជាតិអង់គ្លេស Cole បានចាប់ផ្តើមអាជីពជាគ្រូបង្វឹកយុវជនថ្នាល Derby County កំលុងពេលលោកLampard នៅដឹកនាំ ហើយបន្ទាប់មកក៏បានត្រឡប់ទៅបំពេញការងារនៅទឹកដី Stamford Bridge ។Cole និងត្រូរួមការងារជាមួយជំនួយការគ្រូបង្វឹកផ្សេងទៀតមានដូចជា Joe Edwards, Duncan Ferguson, Paul Clement, Chris Jones និង Alan Kelly ។ ខណៈដែលCole ក៏ធ្លាប់ធ្វើការជាមួយក្រុមជម្រើសជាតិអង់គ្លេសអាយុក្រោម ២១ ឆ្នាំផងដែរ ដោយផ្តល់ឱ្យគាត់នូវបទពិសោធន៍បន្ថែមក្នុងអាជីពជាគ្រូបង្វឹកសម្រាប់ក្លឹបនិងជម្រើសជាតិ។
Everton នឹងត្រូវធ្វើការប្រកួតនៅថ្ងៃសៅរ៍សម្រាប់ក្របខណ្ឌ FA Cup ទល់នឹង Brentford ដែលជាការដឹកនាំប្រកួតដំបូងរបស់ លោកLampard នៅលីកកំពូលអង់គ្លេស៕
ប្រភពព័ត៍មាន៖ Sportsmole
