បរទេស៖ កីឡាករអន្តជាតិអាហ្សង់ទីនបួនរូបដែលកំពុងប្រកបអាជីពនៅក្របខណ្ឌ Premier League អង់គ្លេស ត្រូវបានសហព័ន្ធ បាល់ទាត់ពិភពលោកហៅកាត់ថា FIFA ព្យួរការប្រកួតលក្ខណៈអន្តរជាតិ២ប្រកួតបន្ទាប់ពីហេតការណ៏ប្រកួតជម្រុះ World Cup កាលពីខែកញ្ញាឆ្នាំមុនជាមួយក្រុមជម្រើសជាតិប្រេស៊ីល។
ហេតុការណ៏ដែលបានកើឡើងំលុងការប្រកួតក្នុងទីក្រុង Sao Paulo បានចាប់ផ្តើមបានបន្តិចតែត្រូវបានផ្អាកដោយមន្ត្រីពេទ្យក្រោមហេតុផលសំខាន់ដែលបានលើកឡើងពីការរឹតបន្តឹងវិធានការការពារ ការរីករាលដាលនៃមេរោគកូវីត Covid-១៩ ។ អ្នកចាំទី Aston Villa កីឡាករ Emiliano Martinez និង Emiliano Buendia ក៏ដូចជា Cristian Romero របស់ Tottenham និង Giovani Lo Celso ដែលបានចូលរួមជាមួយ Villarreal ក្នុងលក្ខខណ្ឌខ្ចីជើងកាលពីខែមករា ត្រូវបានចោទប្រកាន់ដោយរដ្ឋាភិបាលប្រេស៊ីលថាបានផ្តល់ព័ត៌មានមិនពិតទាក់ទងនឹងទម្រង់បែបបទឆ្លងប្រទេសរបស់ពួកគេដោយបំពាននិងវិធានការប្រកាសស្តីពីការបង្ការការឆ្លងរបស់មេរោគ Covid-១៩ ។
នៅពេលនោះការធ្វើដំណើរចាកចេញពីប្រេស៊ីល ទៅអង់គ្លេសក៏ត្រូវបានហាមឃាត់មួយរយៈពេល ហើយអាជ្ញាធរប្រេស៊ីលបានលើកឡើងថា កីឡាករទាំងបួនរូបនេះមិនគួរមានវត្តមាន ជាមួយក្រុមអាហ្សង់ទីនសម្រាប់ការប្រកួតនោះទេ ហើយការពិតFIFA បានចាប់ផ្តើមដំណើរការនីតិវិធីវិន័យលើបញ្ហានេះភ្លាមៗបន្ទាប់ពីការប្រកួតក្នុងខែកញ្ញា សម្រាប់ការមិនគោរពតាមពិធីសារការប្រកួតអន្តរជាតិរបស់ FIFA Return to Football។ អាហ្សង់ទីនក៏ត្រូវពិន័យជាប្រាក់ ២០០,០០០ ផោន និងប្រេស៊ីល ៤៤០,០០០ ផោនផងដែរ៕
ប្រភពព័ត៍មាន៖ Poshukach
