បរទេស៖ គ្រាប់បាល់តែតបញ្ចូលទីនៅជិតបញ្ចប់ម៉ោង របស់ខ្សែប្រយុទ្ធ Harry Kane បានជួយឲ្យក្រុមភ្ញៀវ Tottenham ទទួលបានជ័យជម្នះយ៉ាងអស្ចារ្យលើក្រុមកំពូលតារាង Premier League គឺមេឃខៀវ Man. City ក្នុងការប្រកួត នៅកីឡដ្ឋាន Etihadកាលពីរាត្រីថ្ងៃសៅរ៏ម្សិលមិញនេះ។
កីឡាករ Dejan Kulusevski មានឪកាសរកគ្រាប់បាល់ បើកឆាកនៅនាទីទី៤ក្រោយការបញ្ចូលរបស់ខ្សែប្រយុទ្ធអន្តរជាតិកូរ៉េខាងត្បូង Son Heung Ming មុនពេលGundogan វាយបកតាមស្មើនៅនាទីទី៣៣ ក្រោយពី Hugo Lloris សង្រ្គោះបាល់មិនបានល្អពីការបញ្ជូនបាល់ចេញពីស្លាប ឆ្វេងរបស់Raheem Sterling។ Sonក៏បានដើរតួនាទីដ៏សំខាន់ម្តងទៀត បន្ទាប់ពីបានបញ្ជូនបាល់អោយ ប្រធានក្រុមជម្រើសជាតិអង់គ្លេសKane បញ្ចប់ទីបានយ៉ាងល្អនៅនាទីទី៥៩ ។ក៏ប៉ុន្តែគ្រាប់បាល់ស៊ុត បញ្ចូលទីនាំមុខ១គ្រាប់ទៀតរបស់Kaneនៅនាទីទី៧៤ ត្រូវបានចាត់ទុកថាOff-Side។
ក្រុមម្ចាស់ផ្ទះ Man City ដែលគិតថាពួកគេរកបានត្រឹមតែ១ពិន្ទុក្រោយពី Riyad Mahrezទាត់បាល់ ពីន័យ១១ម៉ែត្រតាមស្មើក្នុងលទ្ធផល២ទល់និង២នៅនាទីទី៩០+២ ។ប៉ុន្តែខ្សែប្រយុទ្ធឆ្នើម ដែល Man City បានព្យាយាមចុះហត្ថលេខានាំយកកាលពីរដូវក្តៅមានឪកាសបញ្ចប់ទីបានយ៉ាងល្អ ក្រោយពីខ្សែបម្រើស្លាបសញ្ជាតិស៊ុយអែតដែលខ្ចីជើងពីJuventusកីឡករ Dejan Kulusevski បានបង្កើតឪកាសបញ្ចប់ទីនៅនាទីទី៩៥បានយ៉ាងល្អ ។
Tottenham បានចាញ់ការប្រកួតលីកកំពូលចំនួន៣ចុងក្រោយរបស់ពួកគេ ប៉ុន្តែជាប្រវត្តិសាស្រ្តក្រុមបានវាយបកយកឈ្នះក្រុមMan.City បានទាំងពីរប្រកួតនៅរដូវកាលនេះនិងតាមទាន់កំនត់ត្រា៣៥ឆ្នាំមុនក្រោយខកខានចាប់តាំងពីរដូវកាល ១៩៨៦-១៩៨៧។ បច្ចុប្បន្នក្រុមឈរនៅចំណាត់ថ្នាក់លេខរៀងទី៧ ក្រោយបញ្ចប់ការប្រកួតនេះ ប៉ុន្តែក្រុមលោកAntonioConte នៅតែសម្លឹងឪកាសចង់បញ្ចប់រដូវកាលដោយឈរនៅចំណាត់ថ្នាក់កំពូលទាំង ៤ដើម្បីមានឪកាសលេងក្របខណ្ឌ Champion League រដូវកាលថ្មី៕
ប្រភពព័ត៍មាន៖ BBC
