បរទេស៖ ខ្សែប្រយុទ្ធវ័យក្មេង Anthony Elanga របស់ក្រុមបិសាចក្រហម Manchester United បានទទួលរកការវាយ​ប្រហារដោយជនអនាមិកមិនស្គាល់អត្តសញ្ញាណបានគប់កាក់ចំលើក្បាលរបស់​គេកំឡុងពេលការប្រកួតផ្តួលក្រុ​ម​ម្ចាស់ផ្ទះ Leeds United ក្នុងលទ្ធផល៤ទល់និង២កាលពីរាត្រីថ្ងៃអាទិត្យ។

គួរកត់សម្គាល់ថា​កំលុង​ពេល​អបអបអរសាទរ​គ្រាប់​​បាល់ទី៣របស់មិត្តរួមក្រុមគឺកីឡាករអន្តរជាតិ Fred នៅចំពោះ​មុខ​អ្នកគាំទ្រ Leeds ពេលនោះ Elanga​បានបង្ហាញ​ពី​អារម្មណ៏​ឈឺចាប់​ដោយ​អោនមុខចុះនៅលើទីលានមុន​ពេល​ទ​​ទួលបានការព្យាបាលពីសំណាក់ក្រុមគ្រូពេទ្យរបស់ក្លឹប ។

ទោះបីជាជួបហេតុការណ៏អកុសលខាងលើនេះ​ប៉ុន្តែ​កីឡាករអន្តរជាតិស៊ុយអែតវ័យ ១៩ ឆ្នាំរូបនេះក៏គឺជាអ្នក​ រកបានគ្រាប់បាល់បញ្ច​ប់​​​ទី​គ្រា​ប់​បាល់ទី៤ផងដែរ ក្រោយការបញ្ជូនរបស់ខ្សែបម្រើBruno Fernandes។  អ្នចកាត់ការទូទៅបណ្តោះអាសន្នលោក Rangnick បានបញ្ជាក់ថាក្រុមម្ចាស់ផ្ទះ Leeds កំពុងធ្វើការស៊ើបអង្កេត​ផ្ទៃក្នុងលើឧប្បត្តិហេតុនេះហើយ។ជ័យ​ជម្នះនៅសប្តាហ៏ទី២៦នេះ​នេះ​បាន​ពង្រឹងក្រុម Man Utd អោយ​បន្តឈរ​នៅលេខ​រៀង​ទី​៤ ខណៈ​ ពួក​គេបង្កើនគម្លាត ​៤​ពិន្ទុហើយពីក្រុម​លេខ​៥គឺញញួរធំ West Ham៕

ប្រភពព័ត៍មាន៖ Metro