បរទេស៖ ទីបំផុតគ្រូបង្វឹក Marcelo Bielsa ត្រូវបានក្រុម Leeds United បញ្ចប់តំណែងជាផ្លូវការណ៏បន្ទាប់ពីក្លឹបបង្ហាញទម្រង់លេងមិនបានល្អ ដោយររងបរាជ័យយ៉ាងធ្ងន់ធ្ងរនៅប៉ុន្មានប្រកួតចុងក្រោយនេះ។
គ្រូបង្វឹកសញ្ជាតិអាហ្សង់ទីនវ័យ ៦៦ ឆ្នាដែលចូលមកដឹកនាំនៅកីឡាដ្ឋាន Elland Road ចាប់តំាងពី ខែមិថុនា ឆ្នាំ ២០១៨ ខណៈបច្ចុប្បន្នក្រុម Leeds Utd មានគម្លាតត្រឹមតែពីរពិន្ទុប៉ុណ្ណោះពីតំបន់កាត់ចោល។ Leeds Utd បានបរាជ័យចុងក្រោយក្នុងលទ្ធផល ៤ទល់និង០ជាមួយក្រុម Tottenham កាលពីថ្ងៃសៅរ៍ ក្រោមថ្ចីជើងក្រុម Tottenham មានន័យថាពួកគេបានចាញ់បួនប្រកួតចុងក្រោយដោយរបូតគ្រាប់បាល់រហូតដល់ទៅ១៧គ្រាប់ឯណោះ ។
អតីតគ្រូបង្វឹកRB Leipzig លោក Jesse Marsch គឺជាបេក្ខភាពដ៏ស័ក្តដែលនិងអាចចូលមកជំនួសតំណែងលោកBielsa នៅពេលនេះ ។ Leeds Utd ក្រោមការដឹកនាំរបស់ Bielsa បានបញ្ចប់រដូវកាលក្នុងចំណាត់ថ្នាក់លេខរៀងទី៩កាលពីរដូវកាលមុន ខណៈដែលរូបលោកបានដឹកនាំក្រុមវិលត្រលប់មកក្របខណ្ឌ Premier League វិញ បន្ទាប់ពីអវត្តមានរយៈពេល ១៦ ឆ្នាំ។ប្រធានក្លឹប Leeds United លោក Andrea Radrizzani បាននិយាយថាៈ នេះគឺជាការសម្រេចចិត្តដ៏លំបាកបំផុតដែលខ្ញុំត្រូវធ្វើក្នុងអំឡុងពេលកាន់កាប់តំណែងរបស់ខ្ញុំនៅ Leeds United ដោយគិតពីភាពជោគជ័យទាំងអស់ដែល Marcelo មាននៅក្នុងក្លឹប៕
ប្រភពព័ត៍មាន៖ BBC
