បរទេស៖ Man. Utd មានបំណងចង់លួងលោមការចុះហត្ថលេខានាំយកHarry Kane ដោយដាក់បញ្ចូល Anthony Martial ដើម្បីនាំយកខ្សែប្រយុទ្ធជួរមុខរូបនេះមកកាន់ទឹកដី Old Trafford នៅកំលុងពេលទីផ្សារដោះដូរកីឡាករនិងបើក ដំណើរ ការ នៅរដូវក្តៅនេះយោងគេហទំព័រ ESPN បានចុះផ្សាយ។
គួរបញ្ជាក់ថាMan.Utdគឺជាក្លឹបដ៏ធំមួយនៅលីគកំពូលអង់គ្លេសដែល កំពុងពិចារណាដាក់សំណើរក្នង រង្វង់ ទឹកប្រាក់ដ៏ច្រើនសម្រាប់ Kane បន្ទាប់ពី Man. City បានបរាជ័យក្នុងការដេញថ្លៃនាំយកខ្សែប្រយុទ្ធTottenham រូបនេះមករួមក្រុមកាលពីរដូវក្តៅមុន។ ក្រុមដែលមានមូលដ្ឋាននៅទីក្រុងឡុងដ៏ នៅតែដាក់តម្លៃខ្លួនប្រធានក្រុមជម្រើសជាតិអង់គ្លេសក្នុងរង្វង់ទឹកប្រាក់ មិនតិចជាង ១០០ លានផោន បើទោះបីជាKaneនៅមានកិច្ចសន្យាតែ ២ ឆ្នាំទៀតយ៉ាងណាក៏ដោយ។
ប្រភពខាងលើបន្តថាៈ សម្រាប់Tottenham គឺជាក្លឹបដែលកោតសរសើរសមត្ថភាព របស់ Martial ដែលបច្ចុប្បន្នកំពុងលេងក្នុងលក្ខណ្ឌខ្ចីជើងនៅ ក្រុម Sevilla មុនពេលត្រលប់មកទឹកដី Old Trafford វិញនៅរដូវកាលក្រោយស្របពេលកីឡាករអន្តរជាតិបារាំងរូបនេះមានបំណងចង់ចាកចេញពីក្លឹបជាកិច្ចសន្យាអចិន្ត្រៃយ៍នៅរដូវក្តៅនេះហើយសម្លឹងចង់ផ្លាស់ទៅលីកកំពូលអ៊ីតាលី ឬ អេស្ប៉ាញជាងបន្តនៅ Premier League៕
ប្រភពព័ត៍មាន៖ Sportsmole
