បរទេស៖ Juventus បានបង្ហាញពីការចាប់អារម្មណ៍ក្នុងការចុះហត្ថលេខានាំយក Angel di Maria មកកាន់ទឹកដី Allianz Stadium នៅចុងបញ្ចប់នៃរដូវកាលនេះ យោងគេហទំព័រអ៊ីតាលី La Gazzetta dello Sport បានចុះផ្សាយ។
បច្ចុប្បន្នកុងត្រារបស់ខ្សែបម្រើស្លាបដ៏មានបទពិសោធន៏សញ្ជាតិអាហ្សង់ទីនរូបនេះជាមួយ PSG នឹងផុតកំណត់នៅខែមិថុនាដូច្នេះអតីតកីឡាករ Man. Utd រូបនេះអាចផ្លាស់ទៅក្លឹបផ្សេងដោយគ្មានតម្លៃខ្លួន។
ប្រភពបន្តថាសាម៉ីខ្លួនផ្ទាល់ក៏មានគម្រោងចាកចេញពី PSG ក្រោយពីបានដឹងថាក្លឹបដែលមានមូលដ្ឋាននៅរដ្ឋធានីប៉ារីសមិនមានចេតនា បំពេញលក្ខខណ្ឌ បន្តកុងត្រាថ្មី មួយឆ្នាំទៀតសម្រាប់រូបគេនោះ ខណៈដែល Di Maria គឺជាបេក្ខភាពដ៏ស័ក្តសមដែលក្រុមលោកMaxi Allegri យល់ឃើញថាអាចចូលមក ជំនួសតំណែងមិត្តរួមជាតិ Dybala ដែលគ្រោងចាកចេញពីលីកកំពូលអ៊ីតាលីនៅចុងរដូវកាលនេះផងដែរ៕
ប្រភពព័ត៍មាន៖ Besoccer
