បរទេស៖ ខ្សែប្រយុទ្ធ Mohamed Salah បានទទួលស្គាល់ថា ការលេងក្នុងការប្រកួតជាមួយនឹងក្រុម Manchester United នៅរដូវកាលនេះ គឺជារឿង «ដ៏ងាយស្រួល» ក្រោយពីបានស៊ុតបាល់បញ្ចូលទី២គ្រាប់ ក្នុងពេលក្រុមខ្លួនបានយកឈ្នះក្នុងលទ្ធផល ៤-០ លើក្រុមបិសាចក្រហមមួយនេះ នាកីឡដ្ឋាន Anfield កាលពីថ្ងៃអង្គារ ដើម្បីជួយឲ្យ Liverpool ឡើងឈរលើកំពូលតារាង Premier League ជាណ្តោះអាសន្ន។
Salah ក៏បានស៊ុតបាល់បញ្ចូលទី៣គ្រាប់ផងដែរ ក្នុងពេលក្រុម Liverpool បានយកឈ្នះក្នុងលទ្ធផល ៥-០ នាកីដ្ឋាន Old Traffrod នៅពេលដែលក្រុមទាំង២ បានជួបគ្នាកាលពីខែតុលា។ Salah បានឲ្យដឹងថា៖ «ពួកគេធ្វើឲ្យជីវិតកាន់តែងាយស្រួល នៅតំបន់បម្រើ និងការពារ។ ពួកគេតែងតែព្យាយាមផ្តល់បាល់ដល់យើង ក្នុងស្ថានភាពមួយទល់នឹងមួយ ហេតុនេះ វាធ្វើឲ្យកាន់តែមានភាពងាយស្រួល។
នៅពេលដែលយើងការពារ យើងបានការពារយ៉ាងរឹងមាំទាំងក្នុងដី និងក្រៅដី»។ Salah មិនធ្លាប់បានស៊ុតបាល់បញ្ចូលទីឲ្យ Liverpool សោះ ពីការប្រកួតបែបបើកចំហរ បើគិតចាប់តាំងពីខែកុម្ភៈ ប៉ុន្តែ បានវិលទៅរកទម្រង់លេងដ៏ល្អរបស់គេ ដោយសារតែចន្លោះប្រហោង នៅតំបន់ការពាររបស់ក្រុម Man United ដើម្បីធ្វើឲ្យគ្រាប់បាល់សរុបរបស់គេនៅរដូវកាលនេះ កើនដល់៣០គ្រាប់។ Salah បានបន្ថែមទៀតថា៖ «ខ្ញុំបានស៊ុតបាល់បញ្ចូលទីជាច្រើនសម្រាប់ក្លិបនេះ ហើយខ្ញុំនឹងរក្សាការរកគ្រាប់បាល់បញ្ចូលទី។ រឿងដ៏សំខាន់បំផុតគឺថា ក្រុមនេះ កំពុងតែឈ្នះ»៕
ប្រភពព័ត៌មាន៖ Channel News Asia
