បរទេស៖ ក្រុម Everton បានរក្សាក្តីសង្ឃឹមរបស់ពួកគេក្នុងការបន្តលេងក្នុងក្របខ័ណ្ឌ Premier League តាមរយៈការផ្តួលក្រុម Chelsea ក្នុងលទ្ធផល ១-០ កាលពីថ្ងៃអាទិត្យ ស្របពេលដែលក្រុម Arsenal បានរក្សាការនាំមុខរបស់ពួកគេចំនួន២ពិន្ទុលើក្រុម Tottenham ក្នុងការប្រជែងយកកៅអីទៅលេងក្នុងក្របខ័ណ្ឌ Champions League នារដូវកាលក្រោយ។
ក្រុម Arsenal បានទទួលជ័យជម្នះក្នុងលទ្ធផល ២-១ នៅលើទឹកដីក្រុម West Ham ដើម្បីរក្សាការឈរពីលើក្រុម Spurs ដែលមុននេះ បានផ្តួលក្រុម Leicester ក្នុងលទ្ធផល ៣-១ ក្រោយពីខ្សែប្រយុទ្ធ Son Heung-min បានស៊ុតបាល់បញ្ចូលទី២គ្រាប់។ ការដណ្តើមបានជ័យជម្នះដ៏សំខាន់របស់ក្រុម Everton នៅកីឡដ្ឋាន Goodison Park មានន័យថា ក្រុមរបស់លោក Frank Lampard ដេញតាមពីក្រោយក្រុមស្ថិតក្នុងតំបន់សុវត្ថិភាព ត្រឹមតែ២ពិន្ទុគត់ និងនៅសល់១ប្រកួតក្នុងដៃ ដើម្បីឡើងឈរពីលើក្រុម Leeds និង Burnley។
លោក Lampard បានប្រាប់ទូរទស្សន៍ Sky Sports ថា៖ «អ្នកគាំទ្រស្ថិតនៅចំចំណុចកណ្តាលនៃការឈ្នះនេះ។ ខ្ញុំរីករាយណាស់ដែលកីឡាករអាចមើលឃើញពីមធ្យោបាយដ៏មានអត្ថន័យចំពោះអ្នកគាំទ្រ»។ ការរងបរាជ័យនេះ ធ្វើឲ្យក្រុមឈរលខ៣ Chelsea នៅសល់ការងារជាច្រើនទៀតដើម្បីធ្វើ និងដើម្បីឈ្នះកៅអីរបស់ពួកគេក្នុងក្របខ័ណ្ឌ Champions League នារដូវកាលក្រោយ៕
ប្រភពព័ត៌មាន៖ Channel News Asia