បរទេស៖ ក្រុម Real Madrid បានឈ្នះពានក្របខ័ណ្ឌ La Liga ជាលើកទី៣៥របស់ខ្លួន កាលពីថ្ងៃសៅរ៍ ក្រោយពីបានយកឈ្នះលើក្រុម Espanyol ក្នុងលទ្ធផល ៤-០ លើទឹកដីខ្លួនឯង ស្របពេលដែលលោក Carlo Ancelotti បានក្លាយជាគ្រូបង្វឹកដំបូងគេដែលឈ្នះរាល់ពានលីគធំៗទាំង៥របស់អឺរ៉ុប។
ខណៈដែលត្រូវការត្រមឹតែ១ពិន្ទុគត់ពីការប្រកួត៥លើកចុងក្រោយរបស់ខ្លួន ក្រុម Real Madrid បានស៊ុតបាល់បញ្ចូលទី២គ្រាប់ តាមរយៈកីឡាករ Rodrygo នៅតង់ទី១ នាកីឡដ្ឋាន Santiago Bernabeu នៅមុនពេលគ្រាប់បាល់ស៊ុតបញ្ចូលទីរបស់ Marco Asensio និង Karim Benzema បានបំពេញជ័យជម្នះសម្រាប់ពួកគេតែម្តង។ Real Madrid បានលើកពាននេះ នៅពីមុខអ្នកគាំទ្រជិត៨ម៉ឺននាក់ នៅក្នុងកីឡដ្ឋាន ហើយការអបអរជាប្រពៃណីបានបន្តនៅកន្លែងរូបចម្លាក់ Cibeles ក្នុងរដ្ឋធានីអេស្ប៉ាញ។
លោក Ancelotti បានប្រាប់សារព័ត៌មានថា Movistar Plus ថា៖ «វាជាលើកទី១ហើយដែលខ្ញុំបានឈ្នះពានមួយនៅកីឡដ្ឋាន Bernabeu ហើយបរិយាកាសពិតជាពិសេសមែន។ ប្រសិនបើខ្ញុំយប់ ក្នុងពេលបញ្ចប់ការប្រកួត នោះគឺដោយសារតែខ្ញុំសប្បាយប៉ុណ្ណោះ»៕
ប្រភពព័ត៌មាន៖ Channel News Asia