បរទេស៖ លោក Mikel Arteta បានដាក់ការស្តីបន្ទោសលើក្រុម Arsenal របស់លោក ចំពោះការបោះបង់ការងារដែលខំធ្វើអស់រយ់ពេលជិត១រដូវកាល ក្នុងពេលចាញ់ក្រុម Newcastle ក្នុងលទ្ធផល ២-០ ខណ់ដែលលទ្ធផលនេះ ទំនងដូចជា ធ្វើឲ្យក្រុមកាំភ្លើងធំ អវត្តមានក្នុងក្របខ័ណ្ឌ Champions League សម្រាប់រដូវកាល៦លើកជាប់ៗគ្នា។
ក្រុម Tottenham នៅតែនាំមុខ២ពិន្ទុ លើគូប្រជែងស្ថិតក្នុងទីក្រុងឡុងដ៍ភាគខាងជើងរបស់ពួកគេ ក្នុងចំណាត់ថ្នាក់លេខ៤ លើតារាងក្របខ័ណ្ឌ Premier League។ បច្ចុប្បន្ន ក្រុម Spurs ត្រូវការត្រឹមតែលទ្ធផលស្មើប៉ុណ្ណោះ នៅលើទឹកដីក្រុម Norwich ក្នុងការប្រកួត នាថ្ងៃអាទិត្យខាងមុខនេះ ដើម្បីបញ្ចប់ដោយការឈរលេខ៤លើតារាង ក្រោយពីមានគ្រាប់បាល់ស៊ុតបញ្ចូលទីច្រើនជាង Arsenal។ ការរងបរាជ័យរបស់ក្រុម Arsenal ក៏ធ្វើឲ្យក្រុមឈរលេខ៣ Chelsea មានសុវត្ថិភាពក្នុងការឈ្នះកៅអីរបស់ខ្លួនទៅកាន់ក្របខ័ណ្ឌ Champions League នារដូវកាលក្រោយផងដែរ។ លោក Arteta បាននិយាយថា៖ «ពិតជារាត្រីដ៏លំបាកមួយក្នុងការទទួលយក។
ក្រុម Newcastle ពិតជាសក្តិសមក្នុងការឈ្នះយ៉ាងកក់ក្តៅ។ ពួកគេលេងបានល្អប្រសើរជាងតាំងពីនាទីដំបូង។ យើងគ្មានអ្វីក្នុងការប្រកួតនេះឡើយ។ ពួកគេលេងបានល្អប្រសើរជាងយើងគ្រប់ចំណុចទាំងអស់ ដែលការប្រកួតបាល់ទាត់ត្រូវការ។ យើងមិនអាចដោះស្រាយជាមួយនឹងការប្រកួតដែលយើងត្រូវលេងនៅទីនេះបានឡើយ»៕
ប្រភពព័ត៌មាន៖ Channel News Asia
