បរទេស៖ Paris Saint-Germain នៅតែមិនទាន់ប្រាកដចិត្តនៅឡើយថានរណានឹងក្លាយជាគ្រូបង្វឹករបស់ពួកគេនៅរដូវកាលក្រោយនេះ ស្របពេល អ្នកចាត់ការសញ្ជាតិអាហ្សង់ទីនលោក Mauricio Pochettino ស្ថិតក្រោមកិច្ចសន្យាដឹកនាំនៅទឹកដី Parc des Princes ប៉ុន្តែអនាគតរបស់បុរសវ័យ ៥០ឆ្នាំរូបនេះ នៅតែជាមន្ទិលសង្ស័យថារូបលោកនិងមានសមត្ថភាពដឹកនាំក្រុមអោយឈានដល់កម្រិតខ្ពស់ជាងនេះបានរឺយ៉ាងណានោះ។
បច្ចុប្បន្នលោក Zinedine Zidane គឺជាគោលដៅអាទិភាព ជាពិសេសជាមួយនឹងការបន្តកុងត្រាថ្មីរបស់ Kylian Mbappe និងវត្តមានរបស់កំពូលខ្សែប្រយុទ្ធឆ្នើមLionel Messi គឺជាហេតុផល អតីតគ្រូបង្វឹក Real Madrid រូបនេះត្រូវបានក្លឹបអ្នកមានបារាំងចង់បានរូបលោកមកដឹកនំាម្តងហើយម្តងទៀត។ បើយោងតាមការចុះផ្សាយរបស់គេហទំព័រ Telefoot បានអោយដឹងថាៈបុរសសញ្ជាតិបារាំងរូបនេះ បានបដិសេធឪកាសចូលរួមជាមួយក្លឹបជើងឯកLigue-១ សាជាថ្មីម្តងទៀត ក៏ព្រោះតែមើលថាបច្ចុប្បន្នក្រុមមិនបានធានានូវការផ្តល់ជូនកីឡាដែលគាត់ចាត់ទុកថាសមរម្យតាមតម្រូវការទៅវិញ។
មួយវិញទៀតលោក Didier Deschamps អាចនឹងចាកចេញពីក្រុមជម្រើសជាតិបារាំងបន្ទាប់ពីការប្រកួតបាល់ទាត់ពិភពលោកឆ្នាំ ២០២២នៅប្រទេសកាតា ដែលជាឪកាសសម្រាប់រូបលោកធ្លាប់រង់ចាំក្នុងការចូលទៅបន្តវេននោះ៕
ប្រភពព័ត៍មាន៖ Besoccer
