បរទេស៖ លោកគ្រូបង្វឹក Mauricio Pochettino នឹងចាកចេញពី Paris St-Germain ក្រោយពីការពិភាក្សានានា ជាមួយនឹងក្លិបនេះ កាលពីចុងសប្តាហ៍មុន។
PSG នៅតែត្រូវធ្វើការប្រកាសជាផ្លូវការជាមុន ប៉ុន្តែ គេបានយល់ឃើញថា អតីតអ្នកចាត់ការទូទៅរបស់ Tottenham វ័យ៥០ឆ្នាំរូបនេះ នឹងមិនដឹកនាំនៅឆ្នាំចុងក្រោយ នៃកិច្ចសន្យារបស់លោកឡើយ។ លោក Zinedine Zidane, Jose Mourinho និងលោក Christophe Galtier គ្រូបង្វឹករបស់ក្រុម Nice ស្ថិតក្នុងចំណោមបេក្ខភាពដែលត្រូវបានទាក់ទងដើម្បីជំនួសមកជំនួសលោក Pochettino។ PSG បានការពារពានលីគបារាំងយ៉ាងជោគជ័យ កាលពីរដូវកាលមុន ប៉ុន្តែ គ្រូបង្វឹកសញ្ជាតិអាហ្សង់ទីនរូបនេះ មិនអាចជួយឲ្យពួកគេឆ្លងផុតវគ្គ១៦ក្រុមចុងក្រោយនៃក្របខ័ណ្ឌ Champions League ឡើយ។
បើទោះបីពួកគេបានរងបរាជ័យក្រោមស្នាដៃក្រុម Real Madrid ក្រុម PSG បាននាំមុខក្នុងការប្រកួតទាំង២ជើងក្នុងលទ្ធផល ២-០ នៅរយៈពេលកន្លែងម៉ោង ក្នុងការប្រកួតជើងទី២របស់ពួកគេ។ លោក Pochettino បានឈ្នះពានជាលើកដំបូងក្នុងអាជីពរបស់លោក ជាមួយនឹងក្លិប PSG ក្រោយពីបានឈ្នះពាន Coupe de France ឆ្នាំ២០២១ និងពាន Ligue 1 ឆ្នាំ២០២២ ប៉ុន្តែ ថ្នាក់ដឹកនាំរបស់ក្លិប មានអារម្មណ៍ថា នេះគឺជាសមិទ្ធិផដ៏តូចតាចដែលលោកសម្រេចបាន បៀបធៀបទៅនឹងសមត្ថភាពរបស់ក្រុមដែលលោកមាន៕
ប្រភពព័ត៌មាន៖ BBC